Salmos 110 - Bible in Tzeltal Bachajón

Jehová ya ya'be yip te ajwalil

Ha salmo yu'un David.

¹ Te Jehová hich la yalbe te Cajwal: Huclan ta jwa'el-c'ab ha to c'alal ya ca'bat scuenta scajtajib awoc te acontratac, xchi.

² Te Jehová ya me yac' hahchel bahel ta Sión te bastón awu'un te ay yip. ¡Ya me awa'iy cuentahinwanej ta stojol te acontrataque!

³ Te pueblo awu'un jun yo'tan ya yac' sba ta acuenta te bin c'ahc'alil yac awa'iy cuentahinwanej, ta scuenta ch'ultesel te ha t'ujbil. C'alal ta shahchibal te sacubel q'uinal yac awich' te sts'ujulel te aqueremil.

⁴ Hich yaloj ta jamal te Jehová, ma ba ya suhtes sc'op: Ha'at sacerdotehat sbahtel q'uinal, hich te bin ut'il te Melquisedec, xchi.

⁵ Te Jehová ay ta swa'el ac'ab; ya me sjin ajwaliletic ta sc'ahc'alel yilimba.

⁶ Ya me yich' ta c'op ta yohlil te nacionetic, ya me snojeslan ta chamen baq'uetetic; ya me swuybe sjolic ta swohlol bahlumilal.

⁷ Ya me yuch'be ya'lel uc'um ta ti'be; hich ya shach sjol yu'un.