Salmos 100 - Bible in Tzeltal Bachajón

Ac'a yalbeyic yutsil sc'oblal Jehová

¹ C'ayojtayahic soc yutsil awo'tanic te Jehová, spisil mach'atic nahinemic ta bahlumilal.

² Tse'eluc me awo'tanic ac'a abahic ta a'batinel ta stojol Jehová; la'ic ta stojol soc yutsil c'ayojetic.

³ Na'ahic me te ha Dios stuquel te Jehová; ha la spasotic, ha yu'unotic; ha pueblohotic yu'un, soc tuminchijotic ta aquiltic yu'un.

⁴ Ochanic bahel ta ochibaletic yu'un soc halbeyahic wocol, ochanic ta amaq'uetic yu'un soc halbeyahic yutsil sc'oblal. ¡Halbeyahic wocol, halbeyahic yutsil sc'oblal te sbihile!

⁵ Como lec yo'tan te Jehová, sbahtel q'uinal ay te sc'uxul yo'tan, soc stalel jun yo'tan ta stojol cajalcaj ts'umbalil.