Números 26 - Bible in Tzeltal Bachajón

La yich' ahtayel Israel ta Moab

¹ Te c'alal c'axix a te jmilawal-chamel, te Jehová hich la yalbe te Moisés soc Eleazar te snich'an sacerdote Aarón:

² Ahtayahic spisil te pueblo Israel te ayix jtahb ya'bilal, ta jujuchahp sna te sme'static, spisilic ta Israel te ya xhu' yu'unic ya xbahtic ta guerra, xchi.

³ Hich te Moisés soc te sacerdote Eleazar la sc'oponic te snich'nab Israel ta spamlejtic ta Moab, nopol ta muc'ul-ha' Jordán, te snuhp'usitayej sba soc Jericó, hich la yalbeyic:

⁴ Ahtayahic te mach'atic ayix jtahb ya'bilal, hich te bin ut'il halbot yu'un Jehová te Moisés, xchihic. Ha'ic ini te snich'nab Israel te loq'uic tal ta sq'uinal Egipto:

⁵ Te snich'nab Rubén, te sba-nich'an Israel: ta scuenta Enoc, ha te enoquetic; ta scuenta Falú, ha te faluhetic;

⁶ ta scuenta Hezrón, ha te hezronetic; ta scuenta Carmi, ha te carmihetic.

⁷ Ha ini te jujutsohb snich'nab Rubén; ay ho'pic soc lajuneb shucwinic slajunbahc' (43,730) ta tuhl.

⁸ Te snich'an Falú, ha te Eliab.

⁹ Te snich'nab Eliab, ha te Nemuel, Datán soc Abiram. Ha nix te Datán soc Abiram, te jtsobawetic yu'un te pueblo te la stoy sbahic soc te smohloltac Coré ta stojol Moisés soc Aarón c'alal la stoy sbahic ta stojol Jehová.

¹⁰ La sjam sba te lum, la sbic'ticlan cohel ta spisilic soc Coré, te c'alal lajic ta c'ahc' lajuneb yoxlajunwinic (250) ta tuhl winiquetic, scuenta yu'un hich ya yilic a te yantique.

¹¹ Pero te snich'nab Coré ma ba lajic stuquel.

¹² Te jujutsohb snich'nab Simeón: ta scuenta Nemuel, ha te nemueletic; ta scuenta Jamín, ha te jaminetic; ta scuenta Jaquín, ha te jaquinetic;

¹³ ta scuenta Zera, ha te zerahetic; ta scuenta Saúl, ha te sauletic.

¹⁴ Ha ini te jujutsohb snich'nab Simeón, ay cha'pic soc lajunwinic swaclujunbahc' (22,200) ta tuhl.

¹⁵ Te jujutsohb snich'nab Gad: ta scuenta Zefón, ha te zefonetic; ta scuenta Hagui, ha te haguihetic; ta scuenta Suni, ha te sunihetic;

¹⁶ ta scuenta Ozni, ha te oznihetic; ta scuenta Eri, ha te erihetic;

¹⁷ ta scuenta Arod, ha te arodetic; ta scuenta Areli, ha te arelihetic.

¹⁸ Ha ini te jujutsohb snich'nab Gad, ay ho'pic soc ho'winic scha'bahc' (40,500) ta tuhl.

¹⁹ Te snich'nab Judá: ha te Er soc Onán, ha te chamic ta sq'uinal Canaán.

²⁰ Te jujutsohb snich'nab Judá: ta scuenta Sela, ha te selahetic; ta scuenta Fares, ha te faresetic; ta scuenta Zera, ha te zerahetic.

²¹ Te snich'nab Fares: ta scuenta Hezrón, ha te hezronetic; ta scuenta Hamul, ha te hamuletic.

²² Ha ini te jujutsohb snich'nab Judá, ay balunpic soc ho'winic slahchaybahc' (76,500) ta tuhl.

²³ Te jujutsohb snich'nab Isacar: ta scuenta Tola, ha te tolahetic; ta scuenta Fúa, ha te fuahetic;

²⁴ ta scuenta Jasub, ha te jasubetic; ta scuenta Simrón, ha te simronetic.

²⁵ Ha ini te jujutsohb snich'nab Isacar, ay waxacpic soc ho'lajunwinic (64,300) ta tuhl.

²⁶ Te jujutsohb snich'nab Zabulón: ta scuenta Sered, ha te seredetic; ta scuenta Elón, ha te elonetic; ta scuenta Jahleel, ha te jahleeletic.

²⁷ Ha ini te jujutsohb snich'nab Zabulón, ay hucpic soc ho'winic slahchaybahc' (60,500) ta tuhl.

²⁸ Te jujutsohb snich'nab José: ha te Manasés soc Efraín.

²⁹ Te snich'nab Manasés: ta scuenta Maquir, ha te maquiretic. Te Maquir la snich'antay te Galaad; ta scuenta Galaad, ha te galaadetic.

³⁰ Te snich'nab Galaad: ta scuenta Jezer, ha te jezeretic; ta scuenta Helec, ha te helequetic;

³¹ ta scuenta Asriel, ha te asrieletic; ta scuenta Siquem, ha te siquemetic;

³² ta scuenta Semida, ha te semidahetic; ta scuenta Hefer, ha te heferetic.

³³ Te Zelofehad snich'an te Hefer, mayuc queremetic, ha nax ay yantsil-nich'nab, ha te Maala, Noa, Hogla, Milca soc Tirsa.

³⁴ Ha ini te jujutsohb snich'nab Manasés, ay wacpic soc ho'lajunwinic slahchaybahc' (52,700) ta tuhl.

³⁵ Te jujutsohb snich'nab Efraín: ta scuenta Sutela, ha te sutelahetic; ta scuenta Bequer, ha te bequeretic; ta scuenta Tahán, ha te tahanetic.

³⁶ Te snich'nab Sutela: ta scuenta Erán, ha te eranetic.

³⁷ Ha ini te jujutsohb snich'nab Efraín, ay chanpic soc ho'winic scha'bahc' (32,500) ta tuhl. Ha ini te jujutsohb snich'nab José.

³⁸ Te jujutsohb snich'nab Benjamín: ta scuenta Bela, ha te belahetic; ta scuenta Asbel, ha te asbeletic; ta scuenta Ahiram, ha te ahirametic;

³⁹ ta scuenta Sufam, ha te sufametic; ta scuenta Hufam, ha te hufametic.

⁴⁰ Te snich'nab Bela ha te Ard soc Naamán: ta scuenta Ard, ha te ardetic; ta scuenta Naamán, ha te naamanetic.

⁴¹ Ha ini te jujutsohb snich'nab Benjamín, ay ho'pic soc chanlajunbahc' (45,600) ta tuhl.

⁴² Te jujutsohb snich'nab Dan: ta scuenta Súham, ha te suhametic. Ha ini te jujutsohb snich'nab Dan.

⁴³ Te jujutsohb snich'nab Súham, ay waxacpic soc jbahc' (64,400) ta tuhl.

⁴⁴ Te jujutsohb snich'nab Aser: ta scuenta Imna, ha te imnahetic; ta scuenta Isúi, ha te isuihetic; ta scuenta Bería, ha te beriahetic.

⁴⁵ Te snich'nab Bería: ta scuenta Heber, ha te heberetic; ta scuenta Malquiel, ha te malquieletic.

⁴⁶ Te sbihil te yantsil-nich'an te Aser, ha Sera sbihil.

⁴⁷ Ha ini te jujutsohb snich'nab Aser, ay wacpic soc lajunwinic schanlajunbahc' (53,400) ta tuhl.

⁴⁸ Te jujutsohb snich'nab Neftalí: ta scuenta Jahzeel, ha te jahzeeletic; ta scuenta Guni, ha te gunihetic;

⁴⁹ ta scuenta Jezer, ha te jezeretic; ta scuenta Silem, ha te silemetic.

⁵⁰ Ha ini te jujutsohb snich'nab Neftalí, ay ho'pic soc j'ohlil chanlajunbahc' (45,400) ta tuhl.

⁵¹ Ha ini te snich'nab Israel te la yich'ic ahtayel, ay ho'lajuneb schanwinic ta pic soc ho'winic yo'bahc' (601,700) ta tuhl ta spisil.

Mandar yu'un spuquel q'uinal

⁵² Te Jehová la yalbe te Moisés:

⁵³ Ha'ic te ya yich'ic pucbeyel te q'uinal, chican jaytuhlic te ahtaybilique.

⁵⁴ Ta banti bayelic, a'beya muc' q'uinal, yan te banti mayuc bayelic, ma ba muc' ya yich'ic. Ta jujuchahp ya yich' sq'uinalic hich nix te bin ut'il te ahtaybilique.

⁵⁵ Ya yich' puhquel te q'uinal ta scuenta spasel seña ta na'el. Jujutuhl ya yich' sq'uinalic ta scuenta sbihil te jchahp sna te sme'state.

⁵⁶ Ta scuenta seña ta na'el ya yich' puhquel te q'uinal, teme bayelic o teme mayuc bayelic, xchi.

Ahtayel yu'un jchahp Leví

⁵⁷ Hich ay te snich'nab Leví te la yich'ic ahtayel ta jujuchahp snahic: ta scuenta Gersón, chicnaj te gersonetic; ta scuenta Coat, te coatetic; ta scuenta Merari, te merarihetic.

⁵⁸ Ha ini te jujuchahp snich'nab te Leví: ha te libnahetic, hebronetic, mahletic, musetic, soc corehetic. Te Coat ha stat te Amram.

⁵⁹ Te yihnam Amram ha te Jocabed, yantsil-nich'an Leví te ayin c'alal ay ta Egipto a te Leví. Te Jocabed la yalatay te Aarón, Moisés soc María te swixe.

⁶⁰ Te snich'nab Aarón ha te Nadab, Abiú, Eleazar soc Itamar.

⁶¹ Pero te Nadab soc Abiú lajic te c'alal la yaq'uic yan c'ahc' ta stojol Jehová.

⁶² Ta spisil te queremetic yu'un Leví te jun to nax u yayinel, ay cha'pic soc j'ohlil swaxaclajunbahc' (23,000) ta tuhl; como ma ba la yich'ic ahtayel soc te yan snich'nab Israel, yu'un ma ba pajal ya yich'ic q'uinal soc.

Cuxul hil Caleb soc Josué

⁶³ Ha'ic ini te la yich'ic ahtayel yu'un Moisés soc te sacerdote Eleazar, te c'alal la yahtayic te snich'nab Israel ta spamlej Moab, nopol ta muc'ul-ha' Jordán, te snuhp'usitayej sba soc Jericó.

⁶⁴ Ta spisilic ini mayuc jtuhluc te ma ba la yich'ic ahtayel yu'un Moisés soc te sacerdote Aarón te c'alal la yahtayic te snich'nab Israel ta jochol taquin q'uinal Sinaí,

⁶⁵ como te Jehová hich la yalbe sc'oblal: Ya me xchamic hilel ta jochol taquin q'uinal, xchi. Mayuc jtuhluc hil yu'unic, ha nax te Caleb snich'an Jefone, soc te Josué snich'an Nun.