Nehemías 11 - Bible in Tzeltal Bachajón

Mach'atic nahinemic ta Jerusalén

¹ Te jtsobawetic nahinic ta Jerusalén, te yantic ants-winiquetic la spasic seña ta na'el scuenta yu'un jujutuhl ta slajunebal ya xnahinic ta Jerusalén, te ch'ul pueblo, soc te yantic baluneb xan ya xnahinic ta yantic pueblohetic.

² Te pueblo mero lec sc'oblal yu'unic te mach'atic ta sc'anojel yo'tanic ya xnahinic ta Jerusalén.

³ Ha'ic ini te jtsobawetic yu'un te jujun sehp q'uinal te nahinic ta Jerusalén; (pero ta pueblohetic ta Judá jujutuhl nahinic ta sq'uinalic soc ta pueblohetic yu'unic: ha te israeletic, sacerdotehetic, levitahetic, a'batetic yu'un te Templo soc te sts'umbal te a'batetic yu'un Salomón).

⁴ Ay sts'umbal Judá soc Benjamín te nahinic ta Jerusalén. Ta sts'umbal Judá: Ataías snich'an Uzías, snich'an Zacarías, snich'an Amarías, snich'an Sefatías, snich'an Mahalaleel, sts'umbal Fares;

⁵ soc Maasías snich'an Baruc, snich'an Colhoze, snich'an Hazaías, snich'an Adías, snich'an Joiarib, snich'an Zacarías, snich'an Siloni.

⁶ Spisil te sts'umbal Fares te nahinic ta Jerusalén, ha jbahc' soc waxaqueb schanwinic (468) ta tuhl winiquetic te ay yipic.

⁷ Te sts'umbal Benjamín ha'ic ini: Salú snich'an Mesulam, snich'an Joed, snich'an Pedaías, snich'an Colaías, snich'an Maasías, snich'an Itiel, snich'an Jesaías;

⁸ ta patil yu'un, ha te Gabai soc Salai, ha waxaqueb shucwinic yoxbahc' (928).

⁹ Ha jtsobaw yu'unic te Joel snich'an Zicri; te schebal jtsobaw yu'un te pueblo, ha te Judá snich'an Senúa.

¹⁰ Ta sacerdotehetic: ha te Jedaías snich'an Joiarib, Jaquín,

¹¹ soc Seraías snich'an Hilcías, snich'an Mesulam, snich'an Sadoc, snich'an Meraiot, snich'an Ahitob, te príncipal ta sna Dios;

¹² soc te yermanotac te ayic ta a'tel ta Templo, ha cha'bahc' soc cheb scha'winic (822) ta tuhl. Soc te Adaías snich'an Jeroham, snich'an Pelalías, snich'an Amsi, snich'an Zacarías, snich'an Pasur, snich'an Malquías,

¹³ soc te yermanotac, te jtsobawetic yu'un jujuchahp na, ha cheb yoxlajunwinic (242) ta tuhl. Te Amasai snich'an Azareel, snich'an Azai, snich'an Mesilemot, snich'an Imer,

¹⁴ soc te yermanotac, winiquetic te ay yipic, ha waxaqueb shucwinic (128). Te jtsobaw yu'unic ha te Zabdiel snich'an Gedolim.

¹⁵ Ta levitahetic: ha te Semaías snich'an Hasub, snich'an Azricam, snich'an Hasabías, snich'an Buni.

¹⁶ Te príncipaletic yu'un levitahetic, ha te Sabetai soc Jozabad, ay ta scuentahic te a'tel ta fuera yu'un te sna Dios.

¹⁷ Matanías snich'an Micaía, snich'an Zabdi, snich'an Asaf, ha príncipal te ya shach c'ayoj ta scuenta sc'ayojtaybeyel yutsilal Dios soc sc'oponel Dios; Bacbuquías, te schebal ta yohlil te yermanotac, soc Abda snich'an Samúa, snich'an Galal, snich'an Jedutún.

¹⁸ Ta spisil te levitahetic te ayic ta ch'ul pueblo, ha chaneb yo'lajunwinic (284) ta tuhl.

¹⁹ Ta jcanan-ti'nahiletic: ha te Acub, Talmón soc te yermanotac, te la scanantayic te puertahetic, ha lahchayeb sbalunwinic (172) ta tuhl.

²⁰ Te yantic israeletic, sacerdotehetic soc levitahetic, ayic ta yantic pueblohetic ta Judá, tuhlultuhl ta sq'uinalic.

²¹ Te a'batetic ta Templo nahinic ta Ofel, ha jtsobaw yu'unic te Ziha soc Gispa.

²² Te jtsobaw yu'un te levitahetic ta Jerusalén, ha te Uzi snich'an Bani, snich'an Hasabías, snich'an Matanías, snich'an Micaía, jtuhl sts'umbal Asaf, ha jc'ayojetic te ya x'a'tejic ta sna te Diose.

²³ Como ay mandar yu'un te ajwalil bin ya sc'an ya spasic ta jujun c'ahc'al te jc'ayojetique.

²⁴ Te Petaías snich'an Mesezabeel, sts'umbal Zera snich'an Judá, ay ta scuenta spasbeyel te ya'tel te ajwalil ta scuenta te bintic ay ta pasel yu'un te pueblo.

Yantic lugartic banti nahinic

²⁵ Ay te sts'umbal Judá te nahinic ta Quiriat-arba, Dibón, Jecabseel,

²⁶ Jesúa, Molada, Bet-pelet,

²⁷ Hazar-sual, Beerseba,

²⁸ Siclag, Mecona,

²⁹ En-rimón, Zora, Jarmut,

³⁰ Zanoa, Adulam, Laquis, soc Azeca, soc te tut pueblohetic yu'unic ta sjoyobal. Ha yu'un nahinic c'alal Beerseba ha to ta sjuclej yu'un Hinom.

³¹ Te sts'umbal Benjamín nahinic ta Geba, Micmas, Aía, Bet-el soc ta tut pueblohetic yu'unic ta sjoyobal;

³² soc ta Anatot, Nob, Ananías,

³³ Hazor, Ramá, Gitaim,

³⁴ Hadid, Seboim, Nebalat,

³⁵ Lod, Ono, soc ta spamlej yu'un jten-taq'uinetic.

³⁶ Soc ay cha'oxchahp levitahetic ta Judá te nahinic ta Benjamín.