Salmos 93 - Bible in Tzotzil de Chenalhó with Deuterocanon

Sc'oplal stsatsal svu'el Muc'ul Dios

¹ Li Muc'ul Diose ja' Ajvalil stuc; slapoj o lec ya'yel li xojobale, xchuquinoj o lec ya'yel li svu'ele. Ja' la snacan lec li banamile, yu'un jech mu xlom.

² Muc'ul Dios, ta sliquebal ono'ox staoj lec snacleb o li achotlebe; atalel te oyot o sbatel osil.

³ Muc'ul Dios, li muc'tic nabetique tsots ta xbaq'uic; bats'i toyolic no'ox xvil xchi'uc li yipique.

⁴ Pero vo'ot ti te oyot ta toyole toj ven ech'em avu'el, x'ech' to jech chac c'u cha'al yip c'alal tsyuc' sba li nabetique, x'ech' to jech chac c'u cha'al stsatsal chbac' li muc'tiquil nabe.

⁵ Muc'ul Dios, li c'usitic avaloje jech staoj yav chcom o. Li ach'ul lequile ja' st'ujumal c'otem o li ch'ulna avu'une; ja' jech oy o ta sbatel ora, sbatel osil.