Salmos 87 - Bible in Tzotzil de Chenalhó with Deuterocanon

Toj lec sc'oplal yu'un Dios li lum Jerusalene

Q'ueoj yu'un xnich'nab Coré.

¹ Li snacleb lum yu'un Diose te oy ta ch'ul vits yu'un.

² Li Muc'ul Diose toj lec sc'anoj li ti'naetic yu'un Sione; ja' mu sta jech sc'anoj ta scotol li naetic yu'un Jacobe.

³ Vo'ot, lum yu'un Dios, toj jun yutsil c'u x'elan chal ac'oplal li Diose, jech chal:

⁴ “Li lumetic ti xiyotquinicune, ja' li Egipto, Babilonia, Filistea, Tiro, xchi'uc Etiopiae, ja' te ivoq'uic ta atojol”, xi.

⁵ Jech chich' albel sc'oplal li Sione: “Ta melel li lumetic le'e ja' te ilic tal yibelic ta lum Sión; ja' li lum ti la snacan lec stuc li Boch'o te oy ta vinajele”, xiic.

⁶ Li Muc'ul Diose te ta stsacbe sbiic ta vun yo' bu tsacal sbi li jujun lume. “Le'e ja' te lic voc'uc ta lum Sión”, xi tsts'iba.

⁷ Li jq'uejimoletic xchi'uc li jsonoviletique jech chalic: “Ja' te liquem tal ta atojol li quibelcutique”, xiic.