Salmos 82 - Bible in Tzotzil de Chenalhó with Deuterocanon

Ja' muc'ul jchapanvanej stuc li Diose

Q'ueoj yu'un Asaf.

¹ Li Diose lic sva'an sba ta muc'ta tsobajel yu'un scotol li yantic diosetique; te lic chapanvanuc:

² “¿Jayib to c'ac'al ti jech toj ven chopol chachapanvanique, ti ja' no'ox chavac' abaic ta stojol li boch'otic chopolique?

³ Tuc' xachapanic li boch'otic mu'yuc stu ch-ilatique xchi'uc li boch'otic mu'yuc stot sme'ique; tuc' xachapanic li boch'otic abul sbaique xchi'uc li me'onetique.

⁴ Coltaic li boch'otic mu sna' spoj sbaique xchi'uc li boch'otic abul sbaique; loq'uesic ta sc'ob li boch'otic chopolique.

⁵ “Li vo'oxuque mu xava'yic, mu xc'ot ta avo'ntonic, yu'un ta ic'al osil chaxanovic; ta soc xa avu'unic banamil ta scoj ti mu'yuc tuc' chachapanvanique”, xi.

⁶ Jech chacalboxuc: “Li vo'oxuque apasoj abaic ta diosetic; acuyoj abaic ta xnich'on li Boch'o te oy ta vinajele.

⁷ Pero chacalboxuc ti ja' jech chachamic jech chac c'u cha'al chchamic li cristianoetique; ja' jech chabatic ec jech chac c'u cha'al li yantic chopol banquilaletique”, xi li Diose.

⁸ Dios cu'un, la' me, la' chapano li cristianoetique, yu'un vo'ot avu'un scotol li muc'tiquil lumetique.