Salmos 43 - Bible in Tzotzil de Chenalhó with Deuterocanon

La sc'an coltael ta sventa svocol li Davide

¹ Dios, chapanun me, pojun me ta sventa li chopol viniquetique; coltaun me ta sventa li jlo'lavanejetic ti chopol yo'ntonique.

² Yu'un vo'ot Diosot, vo'ot no'ox stsatsalot co'nton. ¿C'u yu'un ti laj aloq'uesun ta atojole? ¿C'u yu'un ti scotol c'ac'al puru at-o'nton chca'ay ta scoj chiyuts'intaicun li cajcontrataque?

³ Tacbun tal li luz avu'une xchi'uc li c'usitic melele, yu'un ja' ac'o stojobtasicun batel; ac'o yiq'uicun batel te ta ch'ul vits avu'un, ti bu nacalot atuque.

⁴ Jech xu' chi'och te yo' bu scajleb amotone; te ta jq'uejinta alequilal ta arpa, Dios cu'un, vo'ot li Diosot ti chavac' xcuxet co'ntoncutic, ti chavac' xitse'incutic no'oxe.

⁵ ¿C'u yu'un ti ep chcat co'ntone? ¿C'u yu'un ti ep ta jsa' slo'il co'ntone? Yu'un ja' jpatoj co'nton o yu'un li Diose, ja' li Dios ti mu x'ech' co'nton o ta yalbel slequilale; yu'un ja' jcoltavanej cu'un, ja' Dios cu'un.