Salmos 23 - Bible in Tzotzil de Chenalhó with Deuterocanon

Ja' jchabivanej cu'un li Muc'ul Diose

Q'ueoj yu'un David.

¹ Li Muc'ul Diose ja' chixchabiun jech chac c'u cha'al jchabichij; mu'yuc c'usi yan ta jc'an o.

² Ja' chiyac'bun jcux co'nton ta c'unil jobeltic; chismacun batel yo' bu oy lec vo'.

³ Ja' chiyac'bun lec stsatsal co'nton; chistojobtasun batel ta tuq'uil be, yu'un jech xu' ch-ich'at ta muc'.

⁴ Ac'o me chixanov ta yolon pimil toyolal te'tic, mu'yuc c'usi ta jxi'be, yu'un te achi'inojun. Ja' jpatoj co'nton yu'un li anamte'e xchi'uc li xlucaxte'ile.

⁵ Laj xa achapanbun lec jve'el ta mexa ta sat li cajcontrataque, laj amalbun aceite ta jol; chmal xa li yavil bendición avac'ojbune.

⁶ Li slequil avo'ntone, li c'uxubinel avu'une, li' oy ta jtojol scotol c'ac'al; sbatel osil te chinaqui o ta ana, Muc'ul Dios.