Salmos 142 - Bible in Tzotzil de Chenalhó with Deuterocanon

Ja' no'ox la xch'un ti chcoltaat yu'un Dios c'alal oy svocol li Davide

Q'ueoj yu'un David. Ja' jech la sc'opan Dios ti c'alal ja'o te snac'oj sba ta nailch'ene.

¹ Xi'avet no'ox ta sc'anbel vocol li Muc'ul Diose; xi'avet no'ox ta sc'anel li c'uxubinele.

² Ta jambe scotol li slo'il co'ntone; ja' no'ox chcalbe c'usi jvocol

³ ti c'alal mu xa xcuch cu'un. Muc'ul Dios, vo'ot xavotquin li jbe jxanebe; aviloj ti laj yaq'uic ch'ojon ti bu chixanove.

⁴ Ta jq'uel sutel ta jbats'ic'ob, mu'yuc boch'o chtal sq'uelun; mu'yuc boch'o chiscoltaun, mu'yuc boch'o oyun ta yo'nton.

⁵ Ja' yu'un vo'ot xivocolet ta atojol, Muc'ul Dios; chacalbot ti vo'ot jnac'ubbailote, ti vo'ot no'ox Diosot cu'une, ti vo'ot j'ac'cuxlejalot cu'une.

⁶ A'ibun li jc'ope yu'un mu xa xcuch chca'ay li jvocole. Coltaun ta sventa li boch'o chisnutsune, yu'un ja' ech'em xu' yu'un; mu xa xu' cu'un li vu'une.

⁷ Coltaun loq'uel ti li' chuculun ta scoj vocole, yu'un jech xu' chcal alequilal; jech chtal set sbaic ta jtojol li boch'otic tuc' yo'ntonique, yu'un chilic ti chac'uxubinune.