Salmos 135 - Bible in Tzotzil de Chenalhó with Deuterocanon

Li Diose ja' spasoj scotol li c'usitic oye

^1-2 Quich'tic ta muc' li Diose. Albeic slequilal Dios, vo'oxuc li yajtuneloxuc Muc'ul Diose, vo'oxuc ti te oyoxuc o ta ch'ulna yu'une, vo'oxuc ti te oyoxuc ta yamaq'uil sna li Dios cu'untique.

³ Albeic slequilal li Muc'ul Diose yu'un ja' toj lec yo'nton. Q'uejintaic q'ueojetic ta sventa, yu'un ja' toj ep slequil yo'nton.

⁴ Yu'un li Muc'ul Diose st'ujoj xa li Jacobe, ja' li Israele, yu'un tsc'an chu'unin o.

⁵ Li vu'une jna'oj lec ti toj muc' li Muc'ul Diose, ja' li Cajvaltique; jna'oj lec ti ja' ech'em xu' yu'un ta scotol li yantic diosetique.

⁶ Scotol c'usi tsc'an tspas li Muc'ul Diose ta spas, me ta vinajel, me ta banamil, me ta nabetic, o me ta yutil nabetic, xu' yu'un tspas scotol.

⁷ Ja' chac' toyuc muyel li toquetic te oy ta jujujot sti' banamile; ja' chac' bac'uc noxtoc li chauquetic li sacsevuletic sventa chtal vo'e; ja' tsloq'ues tal ta yavil noxtoc li muc'tic iq'ue.

⁸ Ja' laj yac' chamuc noxtoc li sba queremic te ta Egiptoe; lic smilbe sba squeremic xchi'uc c'alal ta sba yol chonbolometic.

⁹ Vo'ot Egipto, li Muc'ul Diose la stac tal muc'tic sq'uelubil stsatsal ta atojol; ja' scontrainel li faraone xchi'uc scotol li yaj'abteltaque.

¹⁰ Laj yules ep muc'tic lumetic; la smil ep ajvaliletic ti ech'em xu' yu'unique.

¹¹ La smil li Sehón, ja' li ajvalil yu'un amorretique, xchi'uc li Og, ja' li ajvalil ta Basane, xchi'uc scotol li ajvaliletic ta Canaán banamile.

¹² Scotol li yosilalique ja' laj yac'be yich'ic o li xchi'iltac ta israelale.

¹³ Muc'ul Dios, sbatel osil te oy o li abie; mu xach'ay o ta alel ti jayc'ol alab nich'nabetic chjelovic li' ta banamile.

¹⁴ Vo'ot chava'an aba ta stojol li ateclumale; c'ux ta avo'nton li avajtuneltaque.

¹⁵ Li c'usitic scuyojic ta sdiosic yantic banamiletique pasbilic no'ox ta saquil taq'uin, ta c'anal taq'uin; pasbil no'ox ta sc'ob cristianoetic.

¹⁶ Oy yeic, pero mu xc'opojic; oy satic, pero mu xilic osil.

¹⁷ Oy xchiquinic, pero mu xa'yic c'op; me jutuc mu'yuc chich'ic ic'.

¹⁸ Ja' jech c'otemic ec li boch'otic ta spasique, xchi'uc li boch'otic ja' spatoj yo'ntonic yu'une.

¹⁹ Smomnich'nabtac Israel, albeic slequilal yutsilal li Muc'ul Diose; smomnich'nabtac Aarón, albeic slequilal yutsilal li Muc'ul Diose.

²⁰ Smomnich'nabtac Leví, albeic slequilal yutsilal li Muc'ul Diose; scotol li boch'o yich'ojic ta muc' Muc'ul Diose, ac'o yalbeic slequilal yutsilal.

²¹ Ac'o albatuc slequilal yutsilal te ta Sión li Muc'ul Dios ti te nacal ta Jerusalene. Coliyal Dios.