Salmos 131 - Bible in Tzotzil de Chenalhó with Deuterocanon

Biq'uit laj yac' sba ta stojol Dios li Davide

Q'ueoj yu'un David sventa jpasq'uinetic chmuyic batel ta Jerusalén.

¹ Muc'ul Dios, mu'yuc bu jtoyoj jba ta atojol; mu'yuc bu jtuc xa xca'ay jba c'u x'elan ta jq'uel osil xchi'uc li jsate. Muc ja'uc batem co'nton yu'un li c'usi toj muc'tique, xchi'uc li c'usi toj tsotsic sc'oplal ti mu xa xinupin o jchi'uque.

² Ta melel li vu'une mu xibac', ch'an xichi; ja' jechun jech chac c'u cha'al jun olol ti ja' to laj yich' chu'untasel yu'un sme'e, ti ja' to laj yich' bots'bel loq'uel xchu'e.

³ Israeletic, ja' no'ox malaic chascoltaoxuc li Muc'ul Dios li' ta orae, xchi'uc c'alal to ta sbatel osil.