Salmos 13 - Bible in Tzotzil de Chenalhó with Deuterocanon

Sc'opanel Dios c'alal oy vocol

Q'ueoj yu'un David; ja' la sventain li banquilal yu'un jq'ueojetique.

¹ Muc'ul Dios, ¿baq'uin to chana'un? ¿Me yu'un j'ech'el laj ach'ayun o ta avo'nton? ¿Jayib to c'ac'al ti chanac' asat ta jtojole?

² ¿Jayib to c'ac'al oy svocol li jbec'tal xchi'uc co'ntone? ¿Me scotol c'ac'al jech o ti puru vocol, ti puru at-o'nton chca'ye? ¿Baq'uin to chicol ta sc'ob li cajcontrae?

³ Muc'ul Dios, Dios cu'un, q'uelun me, tac'bun li jc'ope; tsatsubtasun lec, mu me xavac' chamcun.

⁴ Mu me xavac' jech chlic yal li cajcontrae: “Laj xa jpas canal”, mu me xiuc. Me vu'un tsalbil lic'ote, stse'in xa me li cajcontrae.

⁵ Jch'unoj ti ep c'uxun ta avo'ntone; xcuxet no'ox co'nton, yu'un jna'oj ti chacoltaune.

⁶ Xila'et no'ox ta sq'uejintael li Muc'ul Diose, yu'un toj lec li c'usi la spas ta jtojole.