Salmos 128 - Bible in Tzotzil de Chenalhó with Deuterocanon

Xcuxet no'ox yo'nton li boch'o lec yich'oj ta muc' li Muc'ul Diose

Q'ueoj sventa jpasq'uinetic chmuyic batel ta Jerusalén.

¹ Xcuxet no'ox yo'nton li boch'o lec yich'oj ta muc' Muc'ul Diose, ti ja' te chanov o ta lequil be yu'une.

² Lec tstun tslajes li c'usi chloc' ta yabtel yoc sc'obe; xcuxet no'ox yo'nton, lec oy o scotol ora.

³ Li yajnile ja' jech chc'ot te ta yut sna, jech chac c'u cha'al jpets ts'usub ti sts'uyet no'ox sate. Li xnich'nabe ja' jech chc'ot ta sti' xmexa jech chac c'u cha'al sc'obc'ob oliva te'.

⁴ Ja' jech bendición chich' li boch'o lec yich'oj ta muc' Muc'ul Diose.

⁵ Ac'o ac'batuc tal bendición yu'un li Muc'ul Dios te ta Sione; ac'o yilbe c'u x'elan slequilal Jerusalén ti jayib c'ac'al cuxule.

⁶ Ac'o yil c'alal ta xnich'nab, c'alal ta smomnich'nab. Ac'o junuc yo'nton o li smomnich'nab Israele.