Salmos 126 - Bible in Tzotzil de Chenalhó with Deuterocanon

Ja' tscolta steclumal li Diose

Q'ueoj sventa jpasq'uinetic chmuyic batel ta Jerusalén.

¹ C'alal laj yic'utic sutel tal ta Sión li Muc'ul Dios vu'utic ti chucbilutic to'ox batel ta yan banamile, xco'laj xchi'uc ta vaychil laj ca'itic.

² Li quetique inoj ta tse'ej lo'il; li coc'tique la sq'uejintabe slequilal li Muc'ul Diose. Jech laj yalic li yantic cristianoetique: “Toj muc', toj jun yutsil c'usi la spas Muc'ul Dios ta stojolic”, xiic.

³ Ta melel toj muc', toj jun yutsil c'usi la spas ta jtojoltic li Muc'ul Diose, ja' yu'un toj xcuxet no'ox co'ntontic.

⁴ Muc'ul Dios, ac'buncutic ta ach' c'usi oy cu'uncutic yan velta, jech chac c'u cha'al taqui bevo' ta Néguev ti chtal to lec ya'lel yan veltae.

⁵ Li boch'o ta ya'lel sat ta sts'unique ta tse'ej ta sc'ajic.

⁶ Ac'o me x'oc'olet ti c'alal yich'oj batel lequil ts'unubil yu'une, pero xcuxet no'ox yo'nton ti c'alal tsut tale, yu'un yich'ojbe xa tal sat li c'usi iloc' yu'une.