Salmos 125 - Bible in Tzotzil de Chenalhó with Deuterocanon

Ja' xchabioj steclumal li Diose

Q'ueoj sventa jpasq'uinetic chmuyic batel ta Jerusalén.

¹ Li boch'otic xch'unojic ti ja' chcoltaatic yu'un Muc'ul Diose, ja' jechic jech chac c'u cha'al vits Sión ti mu xnique, ti j'ech'el lec nacal oe.

² Ja' jech chac c'u cha'al lum Jerusalén ti setel lec ta muc'tic vitsetic li spat xocone. Ja' jech li Muc'ul Diose, te oy ta spat xocon li jteclum yu'un li' ta orae xchi'uc c'alal ta sbatel osil.

³ Ja' yu'un li boch'otic tuc' yo'ntonique mu j'ech'eluc chventainatic o yu'un li chopol jpasmantal te ta yosilalique, yu'un jech mu xlic spasic li c'usi chopole.

⁴ Muc'ul Dios, paso me c'usi lec ta stojol li boch'otic lequique, ti tuc' yo'ntonic ta atojole.

⁵ Yan li boch'otic ja' tspasic c'usitic chopole ja' ac'bo xchi'inic li boch'otic chopol c'usitic tspasique. Yan li smomnich'nab Israele ac'o junuc yo'ntonic.