Salmos 123 - Bible in Tzotzil de Chenalhó with Deuterocanon

Sc'anel coltael ta stojol Dios

Q'ueoj sventa jpasq'uinetic chmuyic batel ta Jerusalén.

¹ Vo'ot no'ox ta jtoy jsat ta atojol, Muc'ul Dios, vo'ot ti te nacalot ta vinajele.

² Tete jsat ta atojol jech chac c'u cha'al mozo ti tete sat me oy c'usi yich'oj tal ta sc'ob li yajvale, xchi'uc jech chac c'u cha'al quiara ti tete sat me oy c'usi yich'oj tal ta sc'ob li sme'ajvale. Ja' jech tete jsat ta atojol ec, Muc'ul Dios cu'un, yu'un jmala-mala ti ac'o ac'uxubinune.

³ Muc'ul Dios, avocoluc c'uxubinuncutic; ach'ul vocoluc, c'uxubinuncutic me, yu'un ech' xa co'ntoncutic yu'un li chopolc'optael chquich'cutique.

⁴ Solel sta xa co'ntoncutic yu'un li na'leel chiyac'buncutic jc'ulejetique xchi'uc li bajel chiyac'buncutic jtoybaetique.