Salmos 110 - Bible in Tzotzil de Chenalhó with Deuterocanon

Ja' Muc'ul Dios laj yac'be tsots yabtel li Ajvalile

Q'ueoj yu'un David.

¹ Li Muc'ul Diose jech laj yalbe li Cajvale: “Chotlan ta jbats'ic'ob, ja' to c'alal ta xcac' atec'ubin li avajcontrataque,” xi.

² Li Muc'ul Diose te ta Sión chayac'bot avaston sventa chavich' lec muc' avabtel, ja' yu'un paso me mantal ta stojol li avajcontrataque.

³ Li avinictaque yutsil yo'nton chac' sbaic ta ac'ob ti c'alal yorail chvinaj ch-abtej li avu'ele. Ja' jech chtalic ta atojol jech chac c'u cha'al li job osil chyal ta po'ot saque; ja' jech chtalic ta atojol li querem soldadoetic avu'une.

⁴ Li c'usi laj yal ta jamal Muc'ul Diose, mu xa sutes sc'op o, jech laj yal: “Vo'ot cha'och ta paleal sbatel osil; ja' jech avabtel chavich' jech chac c'u cha'al li Melquisedeque”, xi.

⁵ Li Cajvaltique te oy ta abats'ic'ob; ja' tstsal li ajvaliletic c'alal tsta yorail chlic sc'ac'al yo'ntone.

⁶ Ja' chchapan bu chbatic scotol li cristianoetic ta jujun banamile. Ta snojes ta animaetic scotol banamil; ta sc'ocbe sjolic li cristianoetic ta sbejel banamile.

⁷ C'alal chanov batel li ajvalile, ta x'ech' yuch' yoxo' ta jun bevo', lec ta x'ayin o stsatsal.