Nehemías 10 - Bible in Tzotzil de Chenalhó with Deuterocanon

¹ Li boch'otic laj yac' sfirmaique ja' li'i: Vu'un li Nehemiasun xnich'onun Hacaliase, vu'un li ajvalilune; xchi'uc Sedequías,

² Seraías, Azarías, Jeremías,

³ Pasur, Amarías, Malquías,

⁴ Hatús, Sebanías, Maluc,

⁵ Harim, Meremot, Obadías,

⁶ Daniel, Ginetón, Baruc,

⁷ Mesulam, Abías, Mijamín,

⁸ Maazías, Bilgai, xchi'uc Semaías. Le'e ja' paleetic scotolic.

⁹ Li levietique ja' li'i: Jesúa xnich'on Azanías, Binúi smomnich'on Henadad xchi'uc Gadmiel,

¹⁰ xchi'uc yuts' yalalic ja' Sebanías, Hodías, Kelita, Pelaías, Hanán,

¹¹ Micaía, Rehob, Hasabías,

¹² Zacur, Serebías, Sebanías,

¹³ Hodías Bani, xchi'uc Beninu.

¹⁴ Li banquilaletic yu'un scotol jchi'iltactique ja': Paros, Pahat-moab, Elam, Zatu, Bani,

¹⁵ Buni, Azgad, Bebai,

¹⁶ Adonías, Bigvai, Adín,

¹⁷ Ater, Ezequías, Azur,

¹⁸ Hodías, Hasum, Bezai,

¹⁹ Harif, Anatot, Nebai,

²⁰ Magpías, Mesulam, Hezir,

²¹ Mesezabeel, Sadoc, Jadúa,

²² Pelatías, Hanán, Ananías,

²³ Oseas, Hananías, Hasub,

²⁴ Halohes, Pilha, Sobec,

²⁵ Rehum, Hasabna, Maasías,

²⁶ Ahías, Hanán, Anán,

²⁷ Maluc, Harim, xchi'uc Baana.

Yantic abtel la spasic ta stojol Dios

²⁸ Scotol li yantic jchi'iltactique, ja' li paleetic, levietic, jchabi ti'naetic, jq'uejimoletic, j'abteletic ta ch'ulna, xchi'uc scotol li boch'otic svoc'oj xa sbaic ta stojol yanlum cristianoetic te nacalic ti ja' xa chch'unbeic smantaltac Dios xchi'uc yajnilic, xchi'uc squerem stsebic ti xa'ibeic xa smelole,

²⁹ jmoj la xchapanic xchi'uc yuts' yalalic, xchi'uc banquilaletic yu'unic ti ja' no'ox tspasic c'usi chal li mantaletic laj yal Dios ta sventa yajtunele, ja' li Moisese. Laj yalic ta jamal ta stojol Dios ti ja' no'ox chch'unic o li mantaletic, li chanubtaseletic xchi'uc li c'usitic yan yaloj Muc'ul Dios cu'untique.

³⁰ Jech laj yalic: “Mu'yuc ta xcac'betic yic' jtsebtic li yanlumetique, xchi'uc mu'yuc ta xcac'betic yic' jqueremtic ec li stsebique.

³¹ Jech noxtoc me oy chtal bolomajicuc ta sc'ac'alil ta jcux co'ntontic, o ta c'usiuc no'ox c'ac'alil ti voc'bil yu'un Muc'ul Dios sventa ta jtsob jbatique, me chtal xchonic ve'liletic, o c'usitic yan stac' tunel lajesele, mu'yuc ta jmanbetic. Jech noxtoc ta xcac'betic xcux cosiltic ta svucubal jabil, xchi'uc ta jch'aybetic yil li boch'otic oy yil cu'untique.

³² “Jech noxtoc persa chcac'tic chanib gramo saquil taq'uin sventa chtun ta yabtel Dios te ta ch'ulna,

³³ xchi'uc ta sventa li pan chich' aq'uel o ta stojol Diose, xchi'uc ta sventa li chic'bil matanale, xchi'uc ta sventa li c'usitic yan jech chac c'u cha'al trigo ti chich' aq'uel o scotol c'ac'ale, xchi'uc ta sventa li matanal chich' chiq'uel scotol c'ac'ale, xchi'uc ta sventa li milbil matanal chich' aq'uel ta sc'ac'alil ta jcux co'ntontique, xchi'uc ta yorail unin ue, xchi'uc ta yantic q'uinetique, xchi'uc ta sventa li yantic matanaletique, xchi'uc ta sventa li matanaletic sventa xch'ayubil smul scotol jchi'iltactique, xchi'uc ta sventa li yantic matanaletic chich' aq'uel sventa chquich'tic ta muc' Dios cu'untique.

³⁴ “Jech noxtoc tsc'an ta jpastic canal tajimol ta jujuchop jbitic c'alal ta paleetic, ta levietic, xchi'uc scotol jchi'iltactic ta sventa chquich'tic batel si' ta jujun jabil te ta xch'ulna Muc'ul Dios sventa ta xich' chic'bel li smoton Dios te ta scajleb jech chac c'u cha'al chal li mantaletique.

³⁵ Xchi'uc ta jchapantic noxtoc ti jujun jabil chquich'tic batel ta xch'ulna yu'un Muc'ul Dios li sba sat c'usitic chloc' cu'untique xchi'uc li sba sat jsatinom te'etic cu'untique,

³⁶ xchi'uc li sba jnich'nabtique xchi'uc li sba yol jts'unub covoltic jech chac c'u cha'al chal li mantaletique. Te chc'ot cac'betic ta sc'ob li paleetic te ch-abtejic ta ch'ulna yu'un Diose.

³⁷ Xchi'uc tsc'an chquich'tic batel ta snail te ta ch'ulna li sba arina ta jvots'tique, xchi'uc li sba sat te'etic cu'untique, xchi'uc li ya'lel ts'usub, xchi'uc aceitee. Xchi'uc chquich'tic batel sventa levietic noxtoc li jun ta lajlajuneb c'usitic chloc' cu'uncutique. Yu'un ja' sc'oplal chich'ic li jun ta lajlajuneb scotol c'usitic chloc' ta cosiltique.

³⁸ “Jech noxtoc tsc'an te oy junuc pale, smomnich'on Aarón c'alal ch-och ta sc'ob levietic li jun ta lajlajuneb chcac'tique, xchi'uc ac'o bat yaq'uic ta yavil te ta ch'ulna yu'un Dios ec li jun ta lajlajuneb tsloq'uesic levietique.

³⁹ Li jchi'iltactic ta israelal xchi'uc li levietique tsc'an te chich'ic batel ta ch'ulna li smoton Dios chaq'uique, ja' li trigoe li pasem ya'lel ts'usube xchi'uc li aceitee. Ja' te ac'o yich'ic batel yo' bu oy li c'usitic chtun ta ch'ulna yo' bu nacal li paleetic, li jchabi ti'naetic xchi'uc jq'uejimoletique. Jech noxtoc tsc'an mu'yuc chich' ictael o li ch'ulna yu'un Dios cu'untique”, xiic.