Job 25 - Bible in Tzotzil de Chenalhó with Deuterocanon

Bildad laj yal ti mu'yuc boch'o tuc' ta stojol Diose

¹ Itac'ov li Bildade jech laj yal:

² —Li Diose ja' sventainoj scotol, ja' no'ox stuc xi'bil; xchi'uc ja' chac' jun o'ntonal te ta vinajel.

³ Li yajsoldadotaque mu xlaj ta atel; xojoban no'ox sluz ta stojol scotol cristianoetic.

⁴ ¿C'u x'elan xu' chal jun vinic ti toj tuc' ta stojol li Diose? ¿C'u x'elan xu' chal mu'yuc smul ta stojol Dios li boch'o voq'uem ta jun antse?

⁵ Yu'un ta stojol Diose mu'yuc tsots xojobal li ue; ma'uc toj bats'i sac ta stojol li c'analetique.

⁶ ¡Buuc xa li cristiano ti ja' jech chac c'u cha'al jcot xuvite! —xi li Bildade.