Génesis 10 - Bible in Tzotzil de Chenalhó with Deuterocanon

Sc'oplal smomnich'nabtac Noé

¹ Li smomnich'nabtac Sem, Cam, xchi'uc Jafet, ja' li xnich'nabtac Noee ti ivoc'an c'alal jeloven xa'ox li pulel ta vo'e, ja' li'i:

² Li xnich'nabtac Jafete ja' Gomer, Magog, Madai, Javán, Tubal, Mesec, xchi'uc Tiras.

³ Li xnich'nabtac Gomere ja' Askenaz, Rifat, xchi'uc Togarma.

⁴ Li xnich'nab Javane ja' Elisa, Tarsis, Quitim, xchi'uc Rodanim.

⁵ Le'e ja' smomnich'nabtac Jafet ti inaquiic ta ti'ti' nabe. Ta jujun slumal stuquic inaquiic, xchi'uc jmoj la stsob sbaic ta jujuchop sbiic. Ta sc'op stuquic ic'opojic.

⁶ Li xnich'nabtac Came ja' Cus, Mizraim, Fut, xchi'uc Canaán.

⁷ Li xnich'nabtac Cuse ja' Seba, Havila, Sabta, Raama, xchi'uc Sabteca. Li xnich'nab Raamae ja' Seba xchi'uc Dedán.

⁸ Li Cuse inich'naj, Nimrod sbi. Ja' sba vinic ta vo'one ti toj ech'em xu' yu'une.

⁹ Li Nimrode ja' yabtel ta smil ti'bol yu'un jech ac'bil yu'un li Muc'ul Diose. Ja' te ilic tal li lo'il ti jech chalique: “Ja' co'ol jech chac c'u cha'al Nimrod ti jech la sc'an Muc'ul Dios ti ja' banquilal jmilchonbolometic ic'ote”, xi.

¹⁰ Li lumetic bu la spas mantal ta sliquebe ja' Babel, Erec, Acad, xchi'uc Calne; ja' te oy ta yosilal Sinar.

¹¹ C'alal iloc' batel ta Sinare, ibat ta Asiria, ja' te lic spas li lum Nínive, Rehobot-Ir, Cala,

¹² xchi'uc li muc'ta lum Resene. Ja' ti cacal ta o'lol yu'un li lum Nínive xchi'uc Calae.

¹³ Li Mizraime ja' smomnich'nabtac li ludetique, li anametique, li lehabetique, li naftuhetique,

¹⁴ li patrusetique, li casluhetique, xchi'uc li caftoretique, ja' ti bu ilic tal sts'unubalic li filistaetique.

¹⁵ Li sba xnich'on Canaane ja' Sidón sbi. Oy yan noxtoc, Het sbi.

¹⁶ Li Canaane ja' smomnich'nabtac li jebusetic, li amorretic, li gergesetic,

¹⁷ li hevetic, li aracetic, li sinetic,

¹⁸ li arvadetic, li zemaretic, xchi'uc li hamatetique. Scotol li jaychop le'e ti liquem sts'unubalic ta Canaane lic spuc sbaic batel.

¹⁹ Li yosil canaanetique imuq'uib batel. Xlic ta Sidón c'alal to ta stuq'uil yosilal Gerar xchi'uc c'alal to ta lum Gasa ta stuq'uil lum Sodoma, Gomorra, Adma, xchi'uc Zeboim, xc'ot to c'alal to ta lum Lasa.

²⁰ Le'e ja' smomnich'nabtac li Came, jech yantic xa slumalic ibatic. Ta jujuchop xa inaqui ta yosilal stuquic, xchi'uc ta sc'op stuc ic'opojic.

²¹ Li Seme ja' sbanquil Jafet. Oy jayibuc xnich'nab ec. Scotol li xnich'nabtac Hebere ja' smomnich'nabtac li Seme.

²² Li xnich'nabtac Seme ja' Elam, Asur, Arfaxad, Lud, xchi'uc Aram.

²³ Li xnich'nabtac Arame ja' Uz, Hul, Geter, xchi'uc Mas.

²⁴ Li Arfaxade inich'naj, Sala sbi. Li Salae inich'naj, Heber sbi.

²⁵ Ts'acal to li Hebere ivoc' chib xnich'on. Li june Peleg sbi, yu'un ja'o yorail la svoc' sbaic cristianoetic ta banamil ti c'alal ivoq'ue. Li xchi'il ta voq'uel Pelegue Joctán sbi.

²⁶ Li Joctane inich'naj, ja' Almodad, Selef, Hasar-mavet, Jera,

²⁷ Adoram, Uzal, Dicla,

²⁸ Obal, Abimael, Seba.

²⁹ Ofir, Havila, xchi'uc Jobab. Scotolic le'e ja' xnich'nabtac li Joctane.

³⁰ Te inaquiic ta Mesa banamil c'alal to ta Sefar banamil ta vitsetic ta stuq'uil sloq'ueb c'ac'al.

³¹ Le'e ja' smomnich'nabtac li Seme. Ta jujun slumalic xchi'uc ta jujuchop sbiic xa inaquiic, xchi'uc ta sc'op xa stuc ic'opojic.

³² Scotol le'e ja' smomnich'nabtac Noé ti la spas slumal stuquic ta jujuchop sbiic, xchi'uc ta yosilal stuquic inaquiique. Yu'un c'alal ech'em xa'ox li pulel ta vo'e, la spuc sbaic batel ta buyuc no'ox, jech te la sliquesic muc'tic lum.