Esdras 2 - Bible in Tzotzil de Chenalhó with Deuterocanon

Sc'oplal boch'otic isutic ta Jerusalén

¹ Ja' jech yepal li israeletic isutic ta Jerusalén ta yosil stuquic te ta Judá ti c'alal chucbil ibatic ta Babilonia yu'un ajvalil Nabucodonosore.

² Ja' ventainbilic batel yu'un li Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, xchi'uc Baanae.

³ Li smomnich'nab Parose ja' cha'mil xchi'uc lajchab sbalunvinic (2,172) ta scotol.

⁴ Li smomnich'nab Sefatiase ja' oxib ciento xchi'uc lajchab xchanvinic (372) ta scotol.

⁵ Li smomnich'nab Arae ja' vucub ciento xchi'uc vo'lajuneb xchanvinic (775) ta scotol.

⁶ Li smomnich'nab Pahat-moab ta chib xnich'nab ja' li Jesúa xchi'uc Joabe. Ja' cha'mil xchi'uc vaxquib ciento xchi'uc lajchab (2,812) ta scotol.

⁷ Li smomnich'nab Elame ja' jmil xchi'uc chanlajuneb yoxlajunvinic (1,254) ta scotol.

⁸ Li smomnich'nab Zatue ja' baluneb ciento xchi'uc vo'ob yoxvinic (945) ta scotol.

⁹ Li smomnich'nab Zacaie ja' vucub ciento xchi'uc lajuneb xchanvinic (770) ta scotol.

¹⁰ Li smomnich'nab Banie ja' vaquib ciento xchi'uc chib yoxvinic (642) ta scotol.

¹¹ Li smomnich'nab Bebaie ja' vaquib ciento xchi'uc oxib xcha'vinic (623) ta scotol.

¹² Li smomnich'nab Azgade ja' jmil xchi'uc chib xlajcha'vinic (1,222) ta scotol.

¹³ Li smomnich'nab Adonicame ja' vaquib ciento xchi'uc vaquib xchanvinic (666) ta scotol.

¹⁴ Li smomnich'nab Bigvaie ja' cha'mil xchi'uc vaclajuneb yoxvinic (2,056) ta scotol.

¹⁵ Li smomnich'nab Adine ja' o'lol yo'bal ciento xchi'uc chanib (454) ta scotol.

¹⁶ Li smomnich'nab Ater ta xnich'nab Ezequiase ja' vaxaclajuneb yo'vinic (98) ta scotol.

¹⁷ Li smomnich'nab Bezaie ja' oxib svuclajunvinic (323) ta scotol.

¹⁸ Li smomnich'nab Jorae ja' lajchab svacvinic (112) ta scotol.

¹⁹ Li smomnich'nab Hasume ja' oxib xlajcha'vinic (223) ta scotol.

²⁰ Li smomnich'nab Gibare ja' vo'lajuneb yo'vinic (95) ta scotol.

²¹ Li smomnich'nabic boch'otic liquemic ta Belene ja' oxib svucvinic (123) ta scotol.

²² Li smomnich'nabic boch'otic liquemic ta Netofae ja' vaclajuneb yoxvinic (56) ta scotol.

²³ Li smomnich'nabic boch'otic liquemic ta Anatote ja' vaxquib svucvinic (128) ta scotol.

²⁴ Li smomnich'nabic boch'otic liquemic ta Azmavete ja' chib yoxvinic (42) ta scotol.

²⁵ Li smomnich'nabic boch'otic liquemic ta Quiriat-jearim, Cafira, xchi'uc Beerote ja' vucub ciento xchi'uc oxib yoxvinic (743) ta scotol.

²⁶ Li smomnich'nabic boch'otic liquemic ta Ramá xchi'uc Gebae ja' vaquib ciento xchi'uc jun xcha'vinic (621) ta scotol.

²⁷ Li smomnich'nabic boch'otic liquemic ta Micmase ja' chib svucvinic (122) ta scotol.

²⁸ Li smomnich'nabic boch'otic liquemic ta Betel xchi'uc Haie ja' oxib xlajcha'vinic (223) ta scotol.

²⁹ Li smomnich'nabic boch'otic liquemic ta Neboe ja' lajchab yoxvinic (52) ta scotol.

³⁰ Li smomnich'nabic boch'otic liquemic ta Magbise ja' vaclajuneb xvaxacvinic (156) ta scotol.

³¹ Li smomnich'nabic boch'otic liquemic ta Elame ja' jmil xchi'uc chanlajuneb yoxlajunvinic (1,254) ta scotol.

³² Li smomnich'nabic boch'otic liquemic ta Harime ja' vaclajunvinic (320) ta scotol.

³³ Li smomnich'nabic boch'otic liquemic ta Lod, Hadid, xchi'uc Onoe ja' vucub ciento xchi'uc vo'ob xcha'vinic (725) ta scotol.

³⁴ Li smomnich'nabic boch'otic liquemic ta Jericoe ja' vo'lajunvinic xchi'uc vo'ob yoxvinic (345) ta scotol.

³⁵ Li smomnich'nabic boch'otic liquemic ta Senaae ja' oxmil xchi'uc vaquib ciento xchi'uc lajuneb xcha'vinic (3,630) ta scotol.

³⁶ Li'i ja' paleetic: ja' li smomnich'nabtac Jedaías yuts' yalaltac Josuee ja' baluneb ciento xchi'uc oxlajuneb xchanvinic (973) ta scotol;

³⁷ li smomnich'nab Imere ja' jmil xchi'uc lajchab yoxvinic (1,052) ta scotol;

³⁸ li smomnich'nab Pasure ja' jmil xchi'uc vucub yoxlajunvinic (1,247) ta scotol;

³⁹ li smomnich'nab Harime ja' jmil xchi'uc vuclajuneb (1,017) ta scotol.

⁴⁰ Li'i ja' levietic: ja' li smomnich'nab Jesúa xchi'uc Cadmiel ti liquem sts'unubalic ta Hodaviase; ja' chanlajuneb xchanvinic (74) ta scotol.

⁴¹ Li jq'uejimoletic, ja' li smomnich'nab Asafe, ja' vaxquib svucvinic (128) ta scotol.

⁴² Li jchabi ti'naetic sventa ch'ulnae ja' li smomnich'nabic Salum, Ater, Talmón, Acub, Hatita, xchi'uc Sobaie; ja' balunlajuneb svucvinic (139) ta scotol.

⁴³ Li boch'otic chtunic ta Ch'ulnae ja' smomnich'nabic li Ziha, Hasufa, Tabaot,

⁴⁴ Queros, Siaha, Padón,

⁴⁵ Lebana, Hagaba, Acub,

⁴⁶ Hagab, Salmai, Hanán,

⁴⁷ Gidel, Gahar, Reaía,

⁴⁸ Rezín, Necoda, Gazam,

⁴⁹ Uza, Paseah, Besai,

⁵⁰ Asena, Meunim, Nefusim,

⁵¹ Bacbuc, Hacufa, Harhur,

⁵² Bazlut, Mehída, Harsa,

⁵³ Barcos, Sísara, Tema,

⁵⁴ Nezía, xchi'uc Hatifae.

⁵⁵ Yan li smomnich'nab j'abteletic yu'un Salomone ja' smomnich'nabic li Sotai, Soferet, Peruda,

⁵⁶ Jaala, Darcón, Gidel,

⁵⁷ Sefatías, Hatil, Poqueret-hazebaim, xchi'uc Ami.

⁵⁸ Le'e ja' li boch'otic chtunic ta ch'ulnae xchi'uc li smomnich'nab j'abteletic yu'un Salomone; ja' oxib ciento xchi'uc lajchab yo'vinic (392) ta scotolic.

⁵⁹ Li boch'otic iloq'uic tal ta Tel-mela, ta Tel-harsa, ta Querub, ta Addán, xchi'uc ta Imer ti muc staic bu ts'ibabil sbiic xchi'uc bu jchopucal liquem sts'unubalique ja'

⁶⁰ li smomnich'nabic Delaía, Tobías, xchi'uc Necoda. Ja' vaquib ciento xchi'uc lajchab yoxvinic (652).

⁶¹ Yan li yuts' yalaltac paleetique, ja' li smomnich'nabic Habaía, Cos, xchi'uc li Barzilai ti laj yic'be jun stseb Barzilai liquem ta Galaade, ja' li boch'o Barzilai ic'ot sbi ec ta sventa ti ja' laj yich'be sbi li smuni'e,

⁶² La st'unic me te tsacal sbi ta svunal li smoltotaquique, pero mu'yuc la staic, jech muc xa x'ochic o ta paleal.

⁶³ Li ajvalil yu'unique laj yal mantal ti mu xu' tsve'ic li ch'ul matanale, ja' to me oy junuc pale tsjac' ta Urim xchi'uc ta Tumime.,

⁶⁴ Ta scotol ti c'u yepal isutique ja' chib yoxvinic ta mil xchi'uc vaxaclajunvinic (42,360) ta scotol.

⁶⁵ Ja' mu'yuc tsacbil ta atel li smozoic xchi'uc squiaraique; ja' vucmil xchi'uc vuclajuneb svuclajunvinic (7,337) ta scotol, xchi'uc lajunvinic (200) jq'uejimol vinic antsetic.

⁶⁶ Li sca'ique ja' vucub ciento xchi'uc vaclajuneb xcha'vinic (736), xchi'uc vo'ob yoxlajunvinic (245) ta cot smulaic.

⁶⁷ Li scamelloique ja' chanib ciento xchi'uc vo'lajuneb xcha'vinic (435). Ja' vacmil xchi'uc vucub ciento xchi'uc jtob ta cot sburoic (6,720).

⁶⁸ C'alal ic'otic ta yav xch'ulna Muc'ul Dios ta Jerusalene, oy jayibuc banquilaletic ta jujuchop sbiic laj yaq'uic ep matanaletic ta yutsil yo'ntonic sventa ta xcha'va'anic te ta yav li ch'ulna yu'un Diose.

⁶⁹ Ti c'u yepal ivu' yu'un laj yaq'uique ja' chanib ciento xchi'uc vaxquib yo'vinic (488) kilo c'anal taq'uin; ja' cha'mil xchi'uc o'lol xvaxquibal ciento (2,750) kilo saquil taq'uin, xchi'uc vo'vinic (100) ta lic natil c'u'iletic sventa pale.

⁷⁰ Li paleetic, li levietic, xchi'uc jayibuc israeletic, jq'uejimoletic, jchabi ti'naetic ta ch'ulna xchi'uc yan j'abteletic ta Ch'ulnae te inaquiic ta Jerusalén. Scotol li yantic israeletique ibat naquiicuc ta slumal stuquic ta jujuchop.