1 Crónicas 8 - Bible in Tzotzil de Chenalhó with Deuterocanon

Sc'oplal smomnich'nab Benjamín

¹ Li Benjamine ja' sba xnich'on li Belae. Li xchibale Asbel sbi. Li yoxibale Ahara sbi.

² Li xchanibale Noha sbi. Li yo'bale Rafa sbi.

³ Li xnich'nab Belae ja' Adar, Gera, Abiud,

⁴ Abisúa, Naamán, Ahoa,

⁵ Gera, Sefufán, xchi'uc Hiram.

⁶ Li xnich'nab Aod, ja' li banquilaletic yu'un yuts' yalalic ti te inaquiic ta Geba xchi'uc ti ic'bil ibatic ta Manahate, ja'

⁷ Naamán, Ahías, xchi'uc Gera, ja' li stotic Uza xchi'uc Ahiude. Li Gerae ja' i'ic'van batel ta Manahat.

⁸ Li Saharaime ivoc' xnich'nab te ta yosilal Moab ti c'alal laj xa'ox yicta li yan yajniltac Husim xchi'uc Baarae.

⁹ Li xnich'nab ta yan yajnil Hodes sbie ja' Jobab, Sibia, Mesa, Malcam,

¹⁰ Jeúz, Saquías, xchi'uc Mirma. Le'e ja' banquilaletic yu'un yuts' yalalic.

¹¹ Pero li Husime i'alaj, Abitob xchi'uc Elpaal sbiic.

¹² Li xnich'nab Elpaale ja' Heber, Misam, xchi'uc Semed. Ja' ti la spas lumetic Ono, xchi'uc Lod, xchi'uc li bic'tal lumetic yu'un jujun lume.

¹³ Xchi'uc ja' xnich'on noxtoc li Bería xchi'uc Sema, ja' li banquilaletic yu'un yuts' yalalic ti te inaquiic ta Ajalone. Xchi'uc ja'ic ti la snutsic batel li boch'otic te to'ox nacalic ta lum Gate.

¹⁴ Xchi'uc ja' xnich'on noxtoc li Ahío, Sasac, xchi'uc Jerohame.

^15-16 Li xnich'nab Beriae ja' Zebadías, Arad, Ader, Micael, Ispa, xchi'uc Joha.

^17-18 Li yantic xnich'nab Elpaale ja' Zebadías, Mesulam, Hizqui, Heber, Ismerai, Jezlías, xchi'uc Jobab.

^19-21 Li xnich'nab Simeie ja' Jaquim, Zicri, Zabdi, Elienai, Ziletai, Eliel, Adaías, Berías, xchi'uc Simrat.

^22-25 Li xnich'nab Sasaque ja' Ispán, Heber, Eliel, Abdón, Zicri, Hanán, Hananías, Elam, Anatotías, Ifdaías, xchi'uc Peniel.

^26-27 Li xnich'nab Jerohame ja' Samserai, Seharías, Atalías, Jaresías, Elías, xchi'uc Zicri.

²⁸ Le'e ja' puru banquilaletic yu'un yuts' yalalic ti te inaquiic ta Jerusalene.

Sc'oplal yalab xnich'nab Saúl

²⁹ Li Jehiel stot Gabaone te inaqui ta Gabaón. Li yajnile Maaca sbi.

³⁰ Li sba xnich'one ja' Abdón. Ja'o xtal Zur, Cis, Baal, Ner, Nadab,

³¹ Gedor, Ahío, Zequer,

³² xchi'uc Miclot stot Simea. Scotolic le'e te inaquiic ta yeloval bu inaquiic li yan xchi'iltaquic ta Jerusalene.

³³ Li Nere inich'naj, Cis sbi. Li Cise inich'naj, Saúl sbi. Li Saule inich'naj, ja' Jonatán, Malquisúa, Abinadab, xchi'uc Es-baal.

³⁴ Li xnich'nab Jonatane Merib-baal sbi. Li Merib-baale inich'naj, Micaía sbi.

³⁵ Li xnich'nab Micaiae ja' Pitón, Melec, Tarea, xchi'uc Acaz.

³⁶ Li Acaze inich'naj, Joada sbi. Li Joadae inich'naj, Alemet, Azmavet, xchi'uc Zimri. Li Zimrie inich'naj, Mosa sbi.

³⁷ Li Mosae inich'naj, Bina sbi. Li xnich'on Binae Rafa sbi. Li xnich'on Rafae Elasa sbi. Li xnich'on Elasae Azel sbi.

³⁸ Li xnich'nab Azele oy vaquibic. Ja' Azricam, Bocru, Ismael, Searías, Obadías, xchi'uc Hanán. Le'e ja' xnich'nab li Azele.

³⁹ Li xnich'nab yits'in, ja' li Eseque, Ulam sbi li sbae. Li xchibale Jehús sbi. Li yoxibale Elifelet sbi.

⁴⁰ Li xnich'nab Ulame lec tsots yo'ntonic, lec sna'ic paspleito, lec xchanojic ac'flecha. Oy ep xnich'nabic xchi'uc smomnich'nabic; ja' o'lol xchibal ciento (150) ta scotol. Scotol le'e ja' smomnich'nab li mol Benjamine.