1 Crónicas 7 - Bible in Tzotzil de Chenalhó with Deuterocanon

Sc'oplal smomnich'nab Isacar

¹ Li xnich'nab Isacare oy chanib. Ja' Tola, Fúa, Jasub, xchi'uc Simrón.

² Li xnich'nab Tolae ja' Uzi, Refaías, Jeriel, Jahmai, Jibsam, xchi'uc Semuel. Le'e ja' banquilaletic yu'un li yantic xnich'nab Tolae. Xchi'uc lec sna'ic paspleito, lec tsots yo'ntonic. C'alal yorail cuxul li Davide, ic'ot xa'ox ta chib xcha'vinic ta mil xchi'uc vaquib ciento (22,600) ta scotol li smomnich'nab Tola ti lec tsots yo'ntonique.

³ Li xnich'on Uzie ja' Israhías. Li xnich'nab Israhiase ja' Micael, Obadías, Joel, xchi'uc Isaías. Ja' vo'obic, xchi'uc ja' banquilaletic.

⁴ Ta scotolic c'alal ta xnich'nabic ta smomnich'nabique ic'otic ta vaclajuneb xcha'vinic ta mil (36,000) ta scotolic, yu'un oy ep yajnilic xchi'uc xnich'nabic. Scotolic lec xu' yu'unic paspleito.

⁵ Ti c'u yepal ta scotol li smomnich'nab Isacar ti tsacbil sbiique ja' vucub yo'vinic ta mil (87,000) viniquetic ti lec xu' yu'unic pleitoe.

Sc'oplal smomnich'nab Benjamín

⁶ Li xnich'nab Benjamine oxibic. Ja' Bela, Bequer, xchi'uc Jediael.

⁷ Li xnich'nab Belae ja' Ezbón, Uzi, Uziel, Jerimot, xchi'uc Iri. Ja' banquilaletic yo'balic ta stojol yuts' yalalic, xchi'uc lec tsots yo'ntonic ta sventa pleito. Li xnich'nab xchi'uc smomnich'nabtaquique ja' ic'otic ta chib xcha'vinic ta mil xchi'uc chanlajuneb xcha'vinic (22,034).

⁸ Li xnich'nab Bequere ja' Zemira, Joás, Eliezer, Elioenai, Omri, Jerimot, Abías, Anatot, xchi'uc Alamet. Scotol le'e ja' xnich'nab li Bequere.

⁹ Li xnich'nab xchi'uc smomnich'nabtaque ja' ic'otic jtob ta mil xchi'uc chib ciento (20,200). Scotolic lec tsots yo'ntonic.

¹⁰ Li xnich'on Jediaele ja' Bilhán. Li xnich'nab Bilhane ja' Jeús, Benjamín, Aod, Quenaana, Zetán, Tarsis, xchi'uc Ahisahar.

¹¹ Scotol le'e ja' smomnich'nab li Jediaele. Ja' banquilaletic yu'un li xchi'iltaquique, xchi'uc ja' lec tsots yo'ntonic ta pleito. Ja' ic'otic ta vuclajunmil xchi'uc chib ciento (17,200) ta scotol.

¹² Li xnich'on Hire ja' Sufam xchi'uc Hufam. Li xnich'on Ahere ja' Husim.

Sc'oplal smomnich'nab Neftalí

¹³ Li xnich'nab Neftalie ja' Jahazeel, Guni, Jezer, xchi'uc Salum. Le'e ja' syal'alabtac li Bilhae.

Sc'oplal smomnich'nab Manasés

¹⁴ Li yol xnich'onic Manasés xchi'uc li yan ants yu'un liquem ta Siriae ja' Asriel xchi'uc Maquir stot Galaad.

¹⁵ Li Maquire la sa' yajnil te ta stojol Hupetic xchi'uc Supetic, Maaca sbi. Li xchibal xnich'on Maquire Zelofehad sbi. Li Zelofehade puru stsebetic no'ox oy.

¹⁶ Li Maaca yajnil Maquire ivoc' jun yol, Peres sbi. Li yits'in Perese Seres sbi. Li xnich'nabique ja' Ulam xchi'uc Requem.

¹⁷ Li xnich'on Ulame Bedán sbi. Le'e ja' xnich'nab li Galaade, ja' li xnich'on Maquire, ja' smomnich'nab li Manasese.

¹⁸ Li yixlal Maquire Hamolequet sbi. Ja' sme'ic li Isod, Abiezer, xchi'uc Mahale.

¹⁹ Li xnich'nab Semidae ja' Ahían, Siquem, Likhi, xchi'uc Aniam.

Sc'oplal smomnich'nab Efraín

²⁰ Li xnich'on Efraine Sutela sbi. Li Sutelae inich'naj, Bered sbi. Li Berede inich'naj, Tahat sbi. Li Tahate inich'naj, Elada sbi. Li Elada inich'naj, Tahat sbi. Li Tahaate inich'naj,

²¹ Zabad sbi. Li Zabade inich'naj, Sutela sbi. Li yan xnich'nab Efraine Ezer xchi'uc Elad sbiic. Pero imilatic yu'un li boch'otic te nacajtic ta Gate, yu'un ibat ox spojbeic xchijic xchi'uc xvacaxic.

²² Li Efraine ep c'ac'al laj yoc'ta li xnich'nabe, pero te ital patbatuc yo'nton yu'un li xchi'iltac ta voq'uele.

²³ Ts'acal i'ayin xch'ut yan velta li yajnile. Ivoc' jun squerem; Bería laj yac'beic sbi, yu'un toj ep laj yat yo'ntonic.

²⁴ Li Seera stseb Beriae, ja' la sliques li lum Bet-horón ta cajal xchi'uc li Bet-horón ta olone, xchi'uc ja' la sliques li lum Uzenseerae.

²⁵ Li xnich'on xchi'uc smomnich'nab Beriae ja': Refa; li Refae inich'naj, Resef sbi; li Resefe inich'naj, Telah sbi; li Telahe inich'naj, Tahán sbi; li Tahane inich'naj,

²⁶ Laadán sbi; li Laadane inich'naj, Amiud sbi; li Amiude inich'naj, Elisama sbi; li Elisamae inich'naj,

²⁷ Nun sbi; li Nune inich'naj, Josué sbi.

²⁸ Li yosilic, xchi'uc ti bu inaquiique ja' Bet-el, Naarán te ta stuq'uil sloq'ueb c'ac'al, Gezer te ta stuq'uil smaleb c'ac'al, Siquem, xchi'uc c'alal to ta Ayah, xchi'uc laj yich'beic yosilal li jujun lume.

²⁹ Li smomnich'nab Manasese ja' icom ta sventaic li lum Bet-seán, Taanac, Meguido, xchi'uc Dore, xchi'uc laj yich'beic yosilal li jujun lume. Le'e ja' te inaquiic li smomnich'nab Josee, ja' li xnich'on Israele.

Sc'oplal smomnich'nab Aser

³⁰ Li xnich'nab Asere ja' Imna, Isúa, Isúi, Bería, xchi'uc jun yixlalic, Sera sbi.

³¹ Li xnich'nab Beriae ja' Heber xchi'uc Malquiel stot Birzavit.

³² Li Hebere inich'naj, Jaflet, Semer, Hotam, xchi'uc jun yixlalic, Súa sbi.

³³ Li xnich'nab Jaflete ja' Pasac, Bimhal, xchi'uc Asvat.

³⁴ Li xnich'nab Semere ja' Ahí, Rohga, Jehúba, xchi'uc Aram.

³⁵ Li xnich'nab Hotam, ja' li yits'in Semere, ja' Zoga, Imna, Seles, xchi'uc Amal.

³⁶ Li xnich'nab Zofae ja' Súa, Harnefer, Súal, Beri, Imra,

³⁷ Beser, Hod, Sama, Silsa, Itrán, xchi'uc Beera.

³⁸ Li xnich'nab Jetere ja' Jefone, Pispa, xchi'uc Ara.

³⁹ Li xnich'nab Ulae ja' Ara, Haniel, xchi'uc Rezia.

⁴⁰ Scotol le'e ja' smomnich'nab li Asere. Ja' banquilaletic yu'un yuts' yalalic ta sventa stotic. Lec t'ujbilic, lec tsots yo'ntonic. Lec sna'ic paspleito, xchi'uc lec ich'bilic ta muc'. Ti c'u yepal oyic ta scotolique ja' oxib xcha'vinic ta mil (23,000) viniquetic, lec xu' yu'unic pleito.