1 Crónicas 4 - Bible in Tzotzil de Chenalhó with Deuterocanon

Sc'oplal smomnich'nab Judá

¹ Li xnich'nab Judae ja' Fares, Hezrón, Carmi, Hur, xchi'uc Sobal.

² Li Reaía xnich'on Sobale inich'naj, Jahat sbi. Li Jahate inich'naj, Ahumai xchi'uc Lahad sbiic. Le'e ja' te ilic sts'unubal li zoratetique.

^3-4 Li xnich'nab Hure ja' Etam, Jezreel, Isma, Ibdas, Penuel stot Gedor, Ezer stot Husa. Oy jun yixlalic, ja' Haze-lelponi sbi. Le'e ja' xnich'nab li Hure, ja' li stot Belene; ja' li sba yol Efratae.

⁵ Li Asur stot Tecoae la sa' chib yajnil; ja' Hela xchi'uc Naara.

⁶ Li Naarae ivoc' yalab; ja' Ahuzam, Hefer, Temei, xchi'uc Ahastari. Le'e ja' yalab li Naarae.

⁷ Li yalab Helae ja' Zeret, Jezoar, xchi'uc Etnán.

⁸ Li Cose inich'naj, ja' Anub xchi'uc Zobeba sbiic; ja' sts'unubal li Aharhel xnich'on Harume.

⁹ Li Jabese ipuc lec sc'oplal ta scotol li xchi'iltac ta voq'uele. Ja' yu'un li me'ile Jabes laj yac'be sbi, jech laj yal: “Toj ep c'ux laj ca'ay c'alal la jvoq'ues”, xi.

¹⁰ Li Jabese lic sc'anbe vocol li Dios yu'un Israele, jech laj yalbe: “Ta jc'anbot vocol ti ac'o avac'bun bendicione, xchi'uc ti ac'o amuq'uibtasbun li cosilale, xchi'uc ti ac'o achi'inune, ti ac'o acoltaun ta sventa li c'usitic chopole yu'un jech mu jta jvocol”, xut. Jech i'ac'bat yu'un Dios li c'usi la sc'anbee.

¹¹ Li Quelub yits'in Suae inich'naj, Mehir sbi. Li Mehire inich'naj, Estón sbi.

¹² Li Estone inich'naj; ja' Bet-rafa, Paseah, xchi'uc Tehina, ja' li boch'o la sliques lum Nahase. Le'e te inaquiic ta Reca.

¹³ Li xnich'nab Cenaze ja' Otoniel xchi'uc Seraías. Li xnich'nab Otoniele ja' Hatat

¹⁴ xchi'uc Meonotai. Li Meonotaie inich'naj, Ofra sbi. Li Seraiase inich'naj, Joab sbi. Li Joabe ja' xnich'nab li boch'otic te inaquiic ta stenlejaltic Carisime, yu'un lec sna' c'usi sloc'taic.

¹⁵ Li xnich'nab Caleb xnich'on Jefone ja' Iru, Ela, xchi'uc Naam. Li xnich'on Elae Cenaz sbi.

¹⁶ Li xnich'nab Jehalelele ja' Zif, Zifa, Tirías, xchi'uc Asareel.

^17-18 Li xnich'on Esdrase ja' Jeter, Mered, Efer, xchi'uc Jalón. Li Merede ja' laj yic'be stseb faraón, Bitia sbi. Li yol xnich'onique ja' María, Samai, xchi'uc Isba, ja' li stot Estemoae. Li Merede te loq'uem tal jun yajnil noxtoc ta sts'unubal Judá, Jehudaía sbi. Li yalabe ja' Jered stot Gedor, xchi'uc Heber stot Soco, xchi'uc Jecutiel stot Zanoa.

¹⁹ Li yalab yajnil Hodías, ja' li yixlal Nahame, ja' Keila, ja' li garmetique xchi'uc Estemoa, ja' li maacaetique.

²⁰ Li xnich'nab Simone ja' Amnón, Rina, Ben-hanán, xchi'uc Tilón. Li xnich'nab Isie ja' Zohet xchi'uc Benzohet.

²¹ Li smomnich'nab Sela xnich'on Judae ja' Er stot Leca, Laada stot Maresa, xchi'uc li jchop sbiic ti lec sna' x'abtejic ta lino te ta Bet-asbeae.

²² Xchi'uc ja' xnich'on noxtoc li Joaquim te inaquiic ta Cozebae, xchi'uc Joás, xchi'uc Saraf. Le'e ja' ti la spasic mantal te ta Moabe, xchi'uc ti isutic ta Leheme, yu'un jech chvinaj ta poco' svunalic.

²³ Le'e lec sna'ic pat bin. Te to'ox inaquiic ta Netaim xchi'uc ta Gedera. Te i'abtejic ta stojol li ajvalile.

Sc'oplal smomnich'nab Simeón

²⁴ Li xnich'nab Simeone ja' Nemuel, Jamín, Jarib, Zera, xchi'uc Saúl.

²⁵ Li Saule inich'naj, Salum sbi. Li Salume inich'naj, Mibsam sbi. Li Mibsame inich'naj, Misma sbi.

²⁶ Li xnich'on Mismae Hamuel sbi. Li xnich'on Hamuele Zacur sbi. Li xnich'on Zacure Simei sbi.

²⁷ Li Simeie oy vaclajuneb (16) squeremetic xchi'uc vaquib stsebetic. Yan li sbanquiltaque mu'yuc ep xnich'nabic, jech muc xbol lec smomnich'nabic jech chac c'u cha'al smomnich'nab li Judae.

²⁸ Le'e ja' te inaquiic ta Beerseba, ta Molada, ta Hazar-sual,

²⁹ ta Bilha, ta Ezem, ta Tolad,

³⁰ ta Betuel, ta Horma, ta Siclag,

³¹ ta Bet-marcabot, ta Hazar-susim, ta Bet-birai, xchi'uc ta Saaraim. Le'e ja' slumalic o c'alal to i'och ta ajvalilal li Davide.

³² Xchi'uc oy yan vo'ob bic'tal lumetic yu'unic. Ja' Etam, Aín, Rimón, Toquén, Asán.

³³ Xchi'uc ja' yu'unic noxtoc li tsobtsobnaetic ti te nopajtic ta lumetic c'alal to ta Baalate. Le'e ja' slumalic icom o li smomnich'nab Simeone.

³⁴ Ja'o te xtal noxtoc Mesobab, Jamlec, Josías xnich'on Amasías,

³⁵ Joel, Jehú xnich'on Josibías. Li Josibiase ja' xnich'on Seraías. Li Seraiase ja' xnich'on Asiel.

³⁶ Ja'o te xtal Elioenai, Jaacoba, Jesohaía, Asaías, Adiel, Jesimiel, Benaía,

³⁷ Ziza xnich'on Sifi. Li Sifie ja' xnich'on Alón. Li Alone ja' xnich'on Jedaías. Li Jedaiase ja' xnich'on Simri. Li Simrie ja' xnich'on Semaías.

³⁸ Scotol ti jayib iloc' sbiique ja' banquilaletic yu'un ta jujuchop sbiic. Li yalab xnich'nabique ibolic ta jyalel.

³⁹ Ic'otic c'alal to ta yochebal lum Gedor c'alal to ta xocon stenlejaltic ta stuq'uil sloq'ueb c'ac'al. Yu'un te bat st'unic bu oy lec sve'el xchijic.

⁴⁰ Te la staic lec jobeltic, lec pulem xchi'uc lec uninic. Xchi'uc lec jamal la staic li banamile, jech lec jun yo'ntonic. Ja' te to'ox nacalic li smomnich'nabtac Cam ta vo'onee.

⁴¹ C'alal ochem ta ajvalilal ta Judá li Ezequiase, ja'o te ic'otic li viniquetic li' ivinajan sbiique. C'ot soquesic scotol c'alal ta carpanaetic ti te oy la staique. Ja' te inaquiic o li stuquique yu'un ja' oy lec sve'el xchijic te.

⁴² Jech noxtoc oy vo'ob ciento viniquetic yu'unic ibatic ta vits Seir, ja' smomnich'nabtac li Simeone. Ja' laj yiq'uic batel ta banquilal soldado yu'unic li Pelatías, Nearías, Refaías, xchi'uc Uziel xnich'on Isie.

⁴³ C'ot yulesic scotol li scomelal amalequetique. Jech te inaquiic o c'alal to tana.