1 Crónicas 3 - Bible in Tzotzil de Chenalhó with Deuterocanon

Sc'oplal xnich'nabtac David

¹ Li'i ja' xnich'nab David ti ivoc' c'alal te nacal ta Hebrone: Li sba xnich'one Amnón sbi, ja' yol li Ahinoam liquem ta Jezreele; li xchibale ja' Daniel yol Abigail liquem ta Carmel;

² li yoxibale ja' Absalón yol Maaca, ja' li stseb Talmai ajvalil ta Gesure; li xchanibale ja' Adonías yol Haguit;

³ li yo'bale ja' Sefatías yol Abital; li svaquibale ja' Itream yol Egla;

⁴ li vaquib le'e ja' te ivoq'uic ta Hebrón yo' bu i'och ta ajvalilal o'lol xvaxquibal jabil li Davide. Yan te ta Jerusalene ja' oxlajuneb xcha'vinic (33) jabil i'och ta ajvalilal.

⁵ Li yan xnich'nab ti ivoq'uic ta Jerusalene ja' li'i: Simea, Sobab, Natán, xchi'uc Salomón yol Betsabé, stseb Amiel.

⁶ Xchi'uc oy to yan baluneb. Ja' Ibnar, Elisama, Elifelet,

⁷ Noga, Nefeg, Jafía,

⁸ Elisama, Eliada, xchi'uc Elifelet.

⁹ Scotol le'e ja' xnich'nab li Davide. Ja' Tamar sbi li yixlalique. Pero mu'yuc tsacbil ta atel li yantic xnich'nab ta yantic antsetic yu'une.

Sc'oplal smomnich'nabtac Salomón

¹⁰ Li xnich'on Salomone Roboam sbi. Li xnich'on Roboame Abías sbi. Li xnich'on Abiase Asa sbi. Li xnich'on Asae Josafat sbi.

¹¹ Li xnich'on Josafate Joram sbi. Li xnich'on Jorame Ocozías sbi. Li xnich'on Ocoziase Joás sbi.

¹² Li xnich'on Joase Amasías sbi. Li xnich'on Amasiase Azarías sbi. Li xnich'on Azariase Jotam sbi.

¹³ Li xnich'on Jotame Acaz sbi. Li xnich'on Acaze Ezequías sbi. Li xnich'on Ezequiase Manasés sbi.

¹⁴ Li xnich'on Manasese Amón sbi. Li xnich'on Amone Josías sbi.

¹⁵ Li Josiase ja' Johanán sbi li sba xnich'one, li xchibale Joaquim, li yoxibale Sedequías, li xchanibale Salum.

¹⁶ Li xnich'nab Joaquime Jeconías sbi. Li xnich'on Jeconiase Sedequías sbi.

¹⁷ Li xnich'nab Jeconiase ja' Asir, Salatiel,

¹⁸ Malquiram, Pedaías, Senazar, Jecamías, Hosama, xchi'uc Nedabías sbiic.

¹⁹ Li xnich'on Pedaiase ja' Zorobabel xchi'uc Simei. Li xnich'nab Zorobabele ja' Mesulam, Hananías, xchi'uc jun yixlalic Selomit sbi.

²⁰ Oy to yan vo'ob. Ja' Hasuba, Ohel, Berequías, Jasadías, xchi'uc Jusab-hesed.

²¹ Li xnich'nab Hananiase ja' Pelatías xchi'uc Jesaías. Li xnich'on Jesaiase Refaías sbi. Li xnich'on Refaiase Arnán sbi. Li xnich'on Arnane Abdías sbi. Li xnich'on Abdiase Secanías sbi.

²² Li xnich'on Secaniase Semaías sbi. Li Semaiase oy vo'ob xnich'nab. Ja' Hatús, Igal, Barías, Nearías, xchi'uc Safat.

²³ Li xnich'nab Neariase ja' Elioenai, Ezequías, xchi'uc Azricam.

²⁴ Li xnich'nab Elioenaie oy vucub. Ja' Hodavías, Eliasib, Pelatías, Acub, Johanán, Dalaías, xchi'uc Anani.