1 Crónicas 1 - Bible in Tzotzil de Chenalhó with Deuterocanon

Sc'oplal smomnich'nabtac Adán

¹ Adán, Set, Enós,

² Cainán, Mahalaleel, Jared,

³ Enoc, Matusalén, Lamec,

⁴ Noé, Sem, Cam, Jafet.

Sc'oplal smomnich'nabtac Noé

⁵ Li xnich'nab Jefete ja' Gomer, Magog, Madai, Javán, Tubal, Mesec, xchi'uc Tiras.

⁶ Li xnich'nabtac Gomere ja' Askenaz, Rifat, xchi'uc Togarma.

⁷ Li xnich'nab Javane ja' Elisa, Tarsis, Quitim, xchi'uc Rodanim.

⁸ Li xnich'nab Came ja' Cus, Mizraim, Fut, xchi'uc Canaán.

⁹ Li xnich'nab Cuse ja' Seba, Havila, Sabta, Raama, xchi'uc Sabteca. Li xnich'nab Raamae ja' Seba xchi'uc Dedán.

¹⁰ Li Cuse inich'naj, Nimrod sbi. Ja' li sba cristiano ti lec xu' yu'unic li' ta banamile.

¹¹ Li Mizraime inich'naj; ja' Ludim, Anamim, Lehabim, Naftuhim,

¹² Patrusim, xchi'uc Casluhim. Ja' moltotiletic ic'ot yu'unic li filistaetic xchi'uc li caftoretique.

¹³ Inich'naj li Canaane. Sidón sbi li sba xnich'one; ja'o ital Het.

¹⁴ Li Canaane ja' smomnich'on li jebusetic, amorretic, gergesetic,

¹⁵ hevetic, aracetic, sinetic,

¹⁶ arvadetic, zemaretic, xchi'uc li hamatetique.

¹⁷ Li xnich'nab Seme ja' Elam, Asur, Arfaxad, Lud, Aram, Uz, Hul, Geter, xchi'uc Mesec.

¹⁸ Li Arfaxade inich'naj, Sela sbi. Li Selae inich'naj, Heber sbi.

¹⁹ Li Hebere ivoc' chib xnich'on. Li sbae Peleg sbi. C'alal ivoq'ue, ja' yorail lic svoc' sbaic li cristianoetic li' ta banamile. Li xchibal xnich'one Joctán sbi.

²⁰ Li Joctane inich'naj; ja' Almodad, Selef, Hazar-mavet, Jera,

²¹ Adoram, Uzal, Dicla,

²² Ebal, Abimael, Seba,

²³ Ofir, Havila, xchi'uc Jobab. Scotol le'e ja' xnich'nab Li Joctane.

Sc'oplal smomnich'nab Sem

²⁴ Sem, Arfaxad, Sela,

²⁵ Heber, Peleg, Reu,

²⁶ Serug, Nacor, Taré,

²⁷ xchi'uc Abram, ja' li Abraham ic'ot sbie.

Sc'oplal xnich'nab Ismael xchi'uc yalabtac Cetura

²⁸ Li xnich'nab Abrahame ja' Isaac xchi'uc Ismael.

²⁹ Li xnich'nab Ismaele ja' li'i: Li sba xnich'on Ismaele ja' Nebaiot; ja'o ital Cedar, Adbeel, Mibsan,

³⁰ Misma, Duma, Massa, Hadad, Tema,

³¹ Jetur, Nafis, xchi'uc Cedema. Le'e ja' xnich'nabtac li Ismaele.

³² Li yalab Cetura, ja' li yan ants yu'un Abrahame, ja' Zimram, Jocsán, Medán, Madián, Isbac, xchi'uc Súa. Li xnich'nab Jocsane ja' Seba xchi'uc Dedán.

³³ Li xnich'nab Madiane ja' Efa, Efer, Hanoc, Abida, xchi'uc Elda. Scotol le'e ja' yalab li Ceturae.

Sc'oplal smomnich'nab Esaú

³⁴ Li Abrahame inich'naj, ja' li Isaaque. Li xnich'nabtac Isaaque ja' Esaú xchi'uc Israel.

³⁵ Li xnich'nab Esaue ja' Elifaz, Reuel, Jeús, Jaalam, xchi'uc Coré.

³⁶ Li xnich'nab Elifaze ja' Temán, Omar, Zefo, Gatam, Cenaz, Timna, xchi'uc Amalec.

³⁷ Li xnich'nab Reuele ja' Nahat, Zera, Sama, xchi'uc Miza.

³⁸ Li xnich'nab Seire ja' Lotán, Sobal, Zibeón, Aná, Disón, Ezer, xchi'uc Disán.

³⁹ Li xnich'nab Lotane ja' Hori xchi'uc Homam. Li Timnae ja' yixlal li Lotane.

⁴⁰ Li xnich'nab Sobale ja' Alván, Manahat, Egal, Sefo, xchi'uc Onam. Li xnich'nab Sibeone ja' Aja xchi'uc Aná.

⁴¹ Li Disone ja' xnich'on li Anae. Li xnich'nab Disone ja' Amram, Esbán, Itrán, xchi'uc Querán.

⁴² Li xnich'nab Ezere ja' Bilhán, Zaaván, xchi'uc Jaacán. Li xnich'nab Disane ja' Uz xchi'uc Arán.

⁴³ Li ajvaliletic te ta Edom ti c'alal mu'yuc to'ox ajvalil yu'unic li israeletique ja' li'i: Bela xnich'on Beor; ja' Dinaba sbi li slumale.

⁴⁴ C'alal icham li Belae, ja' i'och ta xq'uexol Jobab xnich'on Zera, te liquem ta Bosra.

⁴⁵ C'alal icham li Jobabe, ja' i'och ta xq'uexol Husam te liquem ta yosilal temanetic.

⁴⁶ C'alal icham li Husame, ja' i'och ta xq'uexol Hadad xnich'on Bedad, ja' li boch'o la stsal Madián te ta yosilal Moabe. Li slumale Avit sbi.

⁴⁷ C'alal icham li Hadade, ja' i'och ta xq'uexol Samla te liquem ta Masreca.

⁴⁸ C'alal icham li Samlae, ja' i'och ta xq'uexol Saúl te liquem ta Rehobot ta nopol uc'um Éufrates.

⁴⁹ C'alal icham li Saule, ja' i'och ta xq'uexol Baal-hanán xnich'on Acbor.

⁵⁰ C'alal icham li Baal-hanane, ja' i'och ta xq'uexol Hadad te liquem ta lum Pai. Li yajnile Mehetabel sbi. Ja' stseb Matred, xnich'on Mezaab.

⁵¹ C'alal icham li Hadade, iliquic yan banquilaletic te ta Edom; ja' Timna, Alva, Jetet,

⁵² Aholibama, Ela, Pinón,

⁵³ Cenaz, Temán, Mibzar,

⁵⁴ Magdiel, xchi'uc Iram. Le'e ja' banquilal ic'otic te ta Edom.