Salmos 95 - Bible in Tzotzil de Chamula

Muyubajcutic ta sq'uejintael ti Diose

¹ La'ic, muyubajcutic ta sq'uejintael ti Cajvaltique; jq'uejintatic ti jpojvanej jcoltavanej cu'untique.

² Ochcutic batel ta stojol ta yalbel coliyal; jq'uejintatic q'uejimoletic sventa yich'el ta muc'.

³ Yu'un ti Ajvalile, ja' muc'ul Dios, muc'ul Ajvalil yu'un ti diosetique.

⁴ Oy ta yoc ta sc'ob bu xa c'alal spajeb snatil ti banomile; c'otem ta yu'untac ti slajebal toyol vitsetique.

⁵ C'otem ta yu'untac ti nabe, yu'un ja' laj smeltsan; ta yoc ta sc'ob ayan talel ti taquin banomile.

⁶ La'ic, la' quejan jbatic ta yich'el ta muc' un; quejlucutic ta stojol ti Cajvaltique, yu'un ja' laj yac' jch'uleletic.

⁷ C'otem ta Dios cu'untic, steclumalotic ti vo'otic une; xchijotic xijlamet ta yaxaltic yu'un. A'yio ava'iic ti xi ta xalboxuc avi tana li'e:

⁸ “Mu xavac' yijubuc avo'ntonic jech c'u cha'al laj spasic ta Meribae, jech c'u cha'al yorail oyoxuc ta Masá ta sbajtical banomile.

⁹ Yu'un ti amolmuc'totic ta vo'nee, ac'o mi laj yilic ti c'u s'elan xu' cu'une, laj ono'ox sq'uelbeicun co'nton.

¹⁰ Cha'vinic (40) jabil li'ilin ta stojolic ma' taje, ti xi laj cale: ‘Yan ta j'ech'el bu stamojic batel ti jnaclejetic li'e; mu xch'unic ma' ti jmantaltac une.’

¹¹ Jech o xal un, laj jva'an jba ta yalel ta sc'ac'al co'nton, mu cha'bel x'ochic batel ta xcuxobil co'nton.”