Salmos 93 - Bible in Tzotzil de Chamula

Ajvalil ma' ti Diose

¹ Ajvalil ma' ti Diose. Xojobin no'ox ta yutsilal ma' ti Diose, xchi'uc joyobtabil ta smuc'ul stsatsal. Laj yac'be yic ta smeltsanel ti banomile yo' lec chotol.

² Tana ti bu chotolote, Cajval, j'ech'el com o, oyot ono'ox ma' ti bu taje.

³ Ti uc'um une, Ch'ul Dios, xluchumaj no'ox ti syuc'benale.

⁴ Le' une, Cajval, jelavem xu' avu'un ti oyot ta toyole, yan ti syuc'benal vo'e, xchi'uc xvo'o'et no'ox syuc'benal ti nabe, ja' mu sta xu' yu'unic.

⁵ Mu stselbuj ma' ti amantaltac une, Ch'ul Dios. Ti ach'ul lequilale xch'alet no'ox c'otem ti xnichimal ta ach'ulnae.