Salmos 87 - Bible in Tzotzil de Chamula

Slequil c'optael steclumal ti Diose

¹ Ti sliquebal smocal steclumal ti Diose, va'al ta ch'ul vits yu'un ti Sione.

² Ti Diose mu tuch'baj ta yo'nton ta xa'i sti'nailtac ti Sione, ja' mu sta sc'oplal ta xa'i scotol ti naetic yu'un ti Jacobe.

³ C'upil sba ta j'ech'el steclumal ti Diose, xi ta x'albate:

⁴ “Ti jteclumetic xiyojtiquinic ta scotole, ta xcal ava'i ti sbitaque, ti Egiptoe, ti Babiloniae, ti Filisteae, ti Tiroe, xchi'uc ti Etiopiae; scotol ti muc'tiquil lumetic taje, voq'uic talel ta atojol un.”

⁵ Ti jteclum Sione, xi ta xalbeic ti sc'oplale: “Ti li'e, ti le'e, voq'uic talel ta stojol un.” Laj yal stuc ti Buch'u oy ta cajal toyol une.

⁶ Ti Dios une laj sts'iba ta jpoc vun ti bu xi s'elan ta xvinaj sbitac ti jteclumetique: “Le' une, voq'uic talel ta stojol un.”

⁷ Ti buch'utic ta xq'ueijinique, xchi'uc ti ta x'ac'otajique, xi ta xalique: “Oy ta atojol ma' ti jnae.”