Salmos 27 - Bible in Tzotzil de Chamula

Ti Dios une sac jaman no'ox ta jtojol, jpojvanej cu'un

¹ Ti Dios une, sac jaman no'ox ta jtojol, jpojvanej cu'un, ¿mi oy la buch'u ta xac'bun xi'el? Ti Diose ta stic' sba ta jpojel un, ¿buch'u la ta xixi' yu'un un?

² Ti jcontrataque, ti mu'yuc xch'ulel xa'i sbaique, svol xa sbaic ta stsaquicun ta c'op ta stubel ti jc'oplale, le' une, ta sbosi yacanic, ta xyalic ta lum ti stuquic une.

³ Manchuc mi jvoc' soldadoetic ta svol sbaic talel ta jxocone, mu stsic' co'nton yu'un ti xi'ele; manchuc mi chapalic xa ta stsaquicun ta letoe, jun co'nton jmalaoj.

⁴ Jtos no'ox jc'anojbe ma' ti Diose, jbel no'ox ma' ti xi s'elan juteb ta co'nton ta jc'ane: scotoluc c'ac'al ti c'u sjalil cuxulune, oyucun ta xch'ulna ti Dios une, ta yich'el ta muc' ta xch'ulna, ta sq'uelel ti yutsilal slequilale.

⁵ C'alal ta xc'ot sc'ac'alil ti oy c'usi chopole, ta xisnac'un ta xch'ulna ti Diose; ta yolon squeoval yaxinal pojbil ta xic'ot yu'un. Ta xba xluchanun ta ba ch'en yo' ta jta ti jpojel yu'une.

⁶ Va'i unbi, xu' xa jtoy liquel jsat ta stojol ti jcontrae, xcac' xa milbil matanal ta ach'ulna un, xi'avet no'ox ta muyubajel ta sq'uejintael q'uejimoletic ta stojol ti Dios une.

⁷ Dios, ts'etano achiquin ti xi s'elan ta jc'oponote: C'uxubajan cu'un un, tac'bun talel ti jc'ope.

⁸ Xi ta xalbun ti co'ntone: “Sa'o bu va'al ti Diose.” Jech ti vu'un une, Dios, ta jsa' ti bu oyot une.

⁹ Mu xanac' aba ta jtojol un. Mu ta sc'ac'aluc avo'nton xatenun loq'uel. Jcoltavanejot cu'un, mu'yuc xa yan. Mu xavictaun comel jtuc ti mu'yuc xa buch'u ta sva'an sba ta jtojole, yu'un Diosot cu'un, jcoltavanejot cu'un.

¹⁰ Manchuc mi ta stenun comel ti jtot jme'e, ti vo'ot une, Dios, ta xabainun.

¹¹ Dios, ac'bun quil ti bu atamoj batele; ta scoj ti contrae, tojobtasun ta spasel batel ti c'usi leque.

¹² Mu me xavac'un ta yoc ta sc'obic ta spasel ta jtojol ti c'usi lec ta xa'iique, yu'un sva'anojic xa jutc'op rextico ta jtojol ta soquemal sjolic.

¹³ Le' une, yac'oj xa jol ta jq'uel slequil yutsilal ti Dios ti c'u sjalil cuxulune.

¹⁴ Pato avo'nton ta stojol ti Dios une. Tsotsan un, mu xachibajes aba. Melel un, pato avo'nton ta stojol ti Diose.