Salmos 150 - Bible in Tzotzil de Chamula

Ta sjoylejuc banomil, lequil c'optabiluc ti Diose

¹ Lequil c'optabiluc ta j'ech'el ti Diose. Lequil c'optaic ti Dios ta xch'ulnae. Lequil c'optaic ti yabtelanoj ti cotcot yaxts'ijan vinajele.

² Lequil c'optaic ta sventa ti c'usitic muc'tic c'ot ta pasel yu'une. Lequil c'optaic ta sventa ti mu'yuc spajeb ti smuc'ul stsatsale.

³ Oq'uisanic oq'uesetic ti ta xich' toybel ti sc'oplale. Toybeic sc'oplal ta arpa xchi'uc ti jchop o ta vobe.

⁴ Ac'otajanic no'ox ti xchijchun no'ox ti chij-chij taq'uine. Toybeic sc'oplal ta amaetic xchi'uc ta c'usitic oy yaq'uil ti stac' tijele.

⁵ Toybeic sc'oplal ta set-set taq'uinetic ti sts'ints'un no'oxe. Toybeic sc'oplal ta set-set taq'uinetic ti tsots sts'inlajete.

⁶ Scotolic ti naca ta ic' cuxulique, lequil c'optaicuc ti Diose. Jun yutsil ta j'ech'el ma' ti Dios une.