Salmos 15 - Bible in Tzotzil de Chamula

Ti c'usi smalaoj ti Dios ac'o spas ti vinique

¹ Dios, ¿buch'u xu' ta xc'ot ta ach'ulna un? ¿Buch'u xu' ta xnaqui ta ch'ul vits avu'un?

² Ja' no'ox xu' ti buch'u mu'yuc soquesoj ti sc'oplale, ti oy yutsil slequil ta spase, ti melel scotol ti c'usi loq'uem ayanem ta yo'nton ta xale,

³ ti buch'u mu junuc ta sbisan ta cotol chavale, ti buch'u mu'yuc c'usi chopol ta spasbe ti buch'u lec xil sba xchi'uque, ti buch'u mu'yuc ta soquesbe sjol ti slac'nae,

⁴ ti buch'u ta sjip ta sten ti oy sc'oplal jipbil tenbil ono'oxe, ti ta xich' ta muc' xtoc ti buch'u ta xich' ta muc' ti Diose, ti ta xc'ot ta pasel yu'un ti c'usi yaloje, manchuc mi mu lecuc ti ta xc'ot ta stojole,

⁵ ti buch'u mu sujvan ta stojbel sjol ti staq'uin ta xac' ta ch'ome, ti buch'u mu svos yo'nton yu'un ti mich'ob c'abal ta stic'bel smul ti buch'u ch'abal ti smule. Ti buch'u jech stalel cuxul ti va'i s'elan taje, mu xyal ta lum.