Salmos 138 - Bible in Tzotzil de Chamula

C'opojel ti'inel ta sventa yalbel coliyal ti Diose

¹ Colaval, xacutot ta sjunul co'nton, Dios. Jq'uejinta no'ox q'uejimoletic ta aventa ta sba ta sat ti sbiinoj diosetique.

² Q'uejelun xa ech'el ta stuq'uil ti ach'ulnae, yo' colaval, xacutot ti melel ti ac'ope, ti j'ech'el ti syail xc'uxul avo'ntone. Ta sventa ti ac'ope, cajal c'ot ac'oplal ta stojol scotol ti c'usitic x'ayan avu'une.

³ C'alal xi'avalet ta atojole, laj atac'bun, laj to avac'bun ti yipal cu'une.

⁴ Scotol ti ajvaliletic ta banomile ta slequil-c'optaot c'alal ta xa'iic ti oy c'usi avaloj ta xapase.

⁵ Ta slequil-c'opta ti Dios ta sventa ti oy c'usi c'ot ta nopel yu'une, yu'un mu'yuc spajeb yutsilal slequilal ta j'ech'el ti Diose.

⁶ Ac'o mi ta toyol to oy ti Diose, yac'oj talel sat ta stojol ti buch'utic biq'uit yac'oj sbaique; ta nom no'ox, yac'oj talel sat xtoc ta stojol ti jtoyobbaetique.

⁷ C'alal oyun ti bu xi'bal sbae, ava'anoj aba cu'un ti laj apojune; ti amuc'ul atsatsale quiil c'ot ta sba jcontratac ti soquem sjolic ta j'ech'ele.

⁸ Ti Diose, sjunul yo'nton, ta xac' ti c'usi snopoj ta jventae. Cajval, sbatel osil oy syail xc'uxul avo'nton; mu quecheluc ta xcom ta o'lol be ti c'usi aliquesoj ta spasele.