Salmos 136 - Bible in Tzotzil de Chamula

Sbatel osil oy syail xc'uxul yo'nton Dios ta stojol ti Israele

¹ Colaval, utic ti Diose, yu'un oy slequil yutsilal, yu'un sbatel osil oy syail xc'uxul yo'nton.

² Colaval, utic ti Buch'u stuc no'ox c'otem ta Dios yu'unic ti sbiinoj diosetique, yu'un sbatel osil oy syail xc'uxul yo'nton.

³ Colaval, utic ti Buch'u c'otem ta Ajvalil yu'un ti ajvaliletique, yu'un sbatel osil oy syail xc'uxul yo'nton.

⁴ Colaval, utic ti Buch'u c'ajomal no'ox stuc ti oy c'usitic muc'tic ta xc'ot ta pasel ti ch'ayal ta xc'ot o'ntonal yu'une, yu'un sbatel osil oy syail xc'uxul yo'nton.

⁵ Colaval, utic ti Buch'u ta sbijil laj smeltsan ti vinajele, yu'un sbatel osil oy syail xc'uxul yo'nton.

⁶ Colaval, utic ti Buch'u laj xchotan ta ba vo' ti banomile, yu'un sbatel osil oy syail xc'uxul yo'nton.

⁷ Colaval, utic ti Buch'u laj smeltsan ti c'ac'ale, ti ue, yu'un sbatel osil oy syail xc'uxul yo'nton.

⁸ Sac jaman no'ox banomil yu'un ti c'ac'ale, yu'un sbatel osil oy syail xc'uxul yo'nton.

⁹ Xojobin no'ox yu'un ta ac'ubaltic ti ue, xchi'uc ti c'analetique, yu'un sbatel osil oy syail xc'uxul yo'nton.

¹⁰ Colaval, utic ti Buch'u laj syales yoc sc'ob ta smilel scotol sba yol xnich'onic ti jujuchop jnaclej egipcioetique, yu'un sbatel osil oy syail xc'uxul yo'nton.

¹¹ Colaval, utic ti Buch'u laj sloq'ues talel ti israeletic ta Egiptoe, yu'un sbatel osil oy syail xc'uxul yo'nton,

¹² Ta scotol smuc'ul stsatsal laj sye' ti sc'obe, yu'un sbatel osil oy syail xc'uxul yo'nton.

¹³ Colaval, utic ti Buch'u laj spas ta cha'ch'ac ti Tsajal Nabe, yu'un sbatel osil oy syail xc'uxul yo'nton.

¹⁴ Colaval, utic ti Buch'u laj yac' jelavuc ech'el ta o'lol nab ti israeletique, yu'un sbatel osil oy syail xc'uxul yo'nton.

¹⁵ Colaval, utic ti Buch'u laj smut'i comel ta Tsajal Nab ti faraone xchi'uc ti yajsoldadotaque, yu'un sbatel osil oy syail xc'uxul yo'nton.

¹⁶ Colaval, utic ti Buch'u laj stam batel sbe yu'un ta sbajtical banomil ti steclumale, yu'un sbatel osil oy syail xc'uxul yo'nton.

¹⁷ Colaval, utic ti Buch'u laj syales yoc sc'ob ta smilel ti muc'tiquil ajvaliletique, yu'un sbatel osil oy syail xc'uxul yo'nton.

¹⁸ Colaval, utic ti Buch'u laj stubbe sc'oplal ti ajvaliletic ti tsots xu' yu'unique, yu'un sbatel osil oy syail xc'uxul yo'nton.

¹⁹ Laj yu'un ti Sehón ajvalil yu'un ti amorreoetique, yu'un sbatel osil oy syail xc'uxul yo'nton.

²⁰ Laj yu'un ti Og ajvalil yu'un ti Basane, yu'un sbatel osil oy syail xc'uxul yo'nton.

²¹ Laj yac'be ta c'abal yosilic ti bu to ox smacoj ti ajvaliletic taje, yu'un sbatel osil oy syail xc'uxul yo'nton.

²² C'ot ta xrexto yu'un ti Israel ti ja' yajtunele, yu'un sbatel osil oy syail xc'uxul yo'nton.

²³ Colaval, utic ti Buch'u ta xisvulesotic ta yo'nton c'alal mu xa xnel x'ech' ca'itic ti vocole, yu'un sbatel osil oy syail xc'uxul yo'nton.

²⁴ Colaval, utic ti Buch'u laj stic' sba ta jpojeltic ta yoc ta sc'ob ti jcontratique, yu'un sbatel osil oy syail xc'uxul yo'nton.

²⁵ Colaval, utic ti Buch'u ta xac'be sve'el ti jnaclejetique xchi'uc ti chon bolometique, yu'un sbatel osil oy syail xc'uxul yo'nton.

²⁶ Colaval, utic ti Dios ti oy ta vinajele, yu'un sbatel osil oy syail xc'uxul yo'nton.