Salmos 130 - Bible in Tzotzil de Chamula

Oy patob o'ntonal ta stojol ti Diose

¹ Cajval, ta spajeb xa ti bu tiq'uilun yalele, xichi ta xcavtaot talele:

² A'yibun ti jc'opojele, Cajval, ts'etanbun ani' achiquin ti xivocolet xa ta xi'avan talel ta atojole.

³ Cajval, jch'ul-tot, ti avac'ojuc ta avo'nton ti c'usi chopole, ¿mi yu'un oy to la buch'u li' va'al ti jechuque?

⁴ Le' une, ta jtacutic ch'aybil jmulcutic avu'un yo' ta xbat co'ntoncutic yich'elot ta muc'.

⁵ Ta sjunul jch'ulel canima, ta jmala ti c'usi ta spas ti Diose; ta jpat lec co'nton yu'un ti sc'ope.

⁶ J'ech'el to jmalaoj ti Diose, ja' mu sta ti jq'uel-osiletic ti sviq'uil-satiojic ta sacub talel ti osile. Co'ol j'elan jech c'u cha'al ti jchabivanejetic ti smalaojic ta sacub talel ti osile.

⁷ Ja' jech, malao ec ti Diose, Israel, yu'un ta sventa ti stuque, oy syail xc'uxul o'ntonal, j'ech'el oy colebal yu'un.

⁸ Ti stuque ta stic' sba ta spojel ti israeletic yu'un ti smul scolo'ique.