Salmos 129 - Bible in Tzotzil de Chamula

Ti Diose ta xpojvan ta xcoltavan

¹ Ep laj quich' talel jvocol ta ilbajinel ti ta jqueremale. —Ac'o yalic ti Israel tana li'e—.

² Ep laj quich' talel jvocol ta ilbajinel ti ta jqueremale, ja' no'ox un, mu'yuc bu xistsalicun.

³ Laj syayijesbeicun jpat ta nucul, ti polajtic com ti yave.

⁴ Ti jech oy stuq'uil slequil yo'nton ti Diose, mu'yuc xiyac' xitsuts ta yoc ta sc'obic ti mu'yuc xch'ulel xa'i sbaique.

⁵ Nijiluc comicuc ta q'uexlal, jatavicuc loq'uel ti yajcontra jteclum Sione.

⁶ Ja'uc jech s'elanic jech c'u cha'al ti momol ta xch'i ta ba nae, ti ta xtaquij no'ox stuc ti c'alal mu'yuc to ta xich' bulele.

⁷ Ja' jun momol ti mu xu' ta xq'uechic batele, jech c'u cha'al ta xq'uechic batel ti jtsob trigo ti pasbil ta jujuchuque.

⁸ Jun momol ti mu'yuc buch'u xi ta x'albat ti sc'oplale: “Ep ac'bat c'uxubinel yu'un ti Dios le'e.” Ti vu'uncutique ta jc'ancutic ac'uxubinelic ta sventa ti Diose.