Salmos 128 - Bible in Tzotzil de Chamula

Lequil c'uxubinel yu'un ti Diose

¹ Mu'yuc no'ox c'usi xana' ti axi'taoj ti Diose, ti jch'unej-mantalot ta stojole.

² Lec ta x'ech' ta ave ta ati' ti alubel achamele; mu'yuc c'usi xana' ta x'ech' avu'un ti jujun c'ac'ale.

³ Ti avajnile co'ol s'elan jtec uva ti vojol no'ox sat ta yibel anae, co'ol s'elan sq'uelom olivo te' ti anich'nab ti joyol no'ox ta amexae.

⁴ Ja' jech c'uxubinel ta sta ti vinic ti sna' xi'ta ti Diose.

⁵ Ta vits Sionuc to, ac'o yac'bot talel c'uxubinel ti Diose. Aviluc ta aba ta asat slequilal ti Jerusalén ti c'u sjalil ach'iel ac'opojele.

⁶ Aviluc to ta aba ta asat ti amamubtaque, ti ts'ijiluc ti c'op ta Israele.