Salmos 127 - Bible in Tzotzil de Chamula

Scotol ta xlic talel ta stojol ti Diose

¹ Ti manchucuc ja' stuc Dios ta sva'an ti ch'ulnae, jeche' no'ox ta x'abtejic ti j'abteletique. Ti manchucuc ja' stuc ti Dios ta xchabi ti jteclume, jeche' no'ox va'ajtic ta q'uel osil ti jchabivanejetique.

² Altic no'ox ma' ti ta sacubel yic'ubel osil ta xquechi ti abtel ta stael jech yepal uni ve'lile, c'alal Dios ta stic' sba ta stojolic ec ti xcux lec yo'ntonic ta x'ech' ac'ubal ti buch'utic lec x'ileique.

³ Ti calab jnich'nabtic ti chlaj voc'uque, ja' lequil c'uxubinel ta j'ech'el yu'un ti Diose.

⁴ Ti calab jnich'nabtic chlaj voc'uc ta jqueremaltique, jun yutsil ta j'ech'el, yu'un co'ol s'elan sni' yolobetic ti oy ta sc'ob ti j'ac'-letoe.

⁵ Mu'yuc c'usi sna' ta j'ech'el ti buch'u oy yu'un ep ti ni' yolobetic jech c'u cha'al taje; mu xnijanat ta q'uexlal yu'un ti yajcontratac ti c'alal ta spac sc'oplalic ta stojol ti jchapanvanejetique.