Salmos 124 - Bible in Tzotzil de Chamula

Ti Diose ja' jcoltavanej yu'un ti Israele

¹ Ti mu'yucuc laj sva'an sba ta jtojoltic ti Diose, —ac'o yalic ca'itic ti Israele—,

² ti mu'yucuc laj sva'an sba ta jtojoltic ti Dios c'alal laj svol sbaic ta stsaquelotic ta letoe,

³ cuxul laj sbic'otic jechuc c'alal cap ti sjolic ta jtojoltique.

⁴ Ech' spulotic ta beq'uel ti vo' jechuque; c'ot ta jtojoltic bu to lijc'ot yu'un ti uc'um jechuque.

⁵ Xluchumaj no'ox bec'bil lijbat yu'un ti vo' jechuc unbi.

⁶ Coliyal ti Diose ti mu teyuc no'ox sq'ueloj lijlaj ta ti'el yu'unique.

⁷ Lijcol to loq'uel ta pets' jech c'u cha'al jcot mut ti col to batel ta stojol ti jnutsobile; c'alal yal ti pets'e, lilijel c'ot yo' lijcolotic loq'uel.

⁸ Ti jcoltaeltique lic talel ta stojol ti Diose, ti Buch'u laj smeltsan ti vinajel banomile.