Salmos 123 - Bible in Tzotzil de Chamula

C'opojel ti'inel sventa patob o'ntonal ta stojol ti Diose

¹ Ti ta atojole, Cajval, xivocolet xa jq'uelojot talel; jech ta jpas talel ta atojol ti vo'ot ta xapas mantal ta vinajele.

² Vocoletcutic ti q'uelel batel jsatic ta stojol ti Ajvalil Dios cu'untique, jech c'u cha'al ti mosovil smalaoj ti oy c'usi ta x'ac'bat yu'un ti yajvale, jech c'u cha'al ti me' mosovil smalaoj ti oy c'usi ta x'ac'bat yu'un ti sme' ajvale, ja' jech ta jmalatic ec ti c'usi ora ta xlic c'uxubajuc yo'nton cu'untique.

³ C'uxubajuc avo'nton ta jtojolcutic, Cajval, c'uxubajuc avo'nton ta jtojolcutic, yu'un mu xa ts'icbaj yipal ta xca'icutic ti chopol c'optaele.

⁴ Yu'un mu x'ech'baj ta xquich' jvocolcutic ta na'leel yu'un ti jc'ulejetique, ti bajbiluncutic yu'un ti jtoyobbaetique.