Salmos 122 - Bible in Tzotzil de Chamula

Slequil c'optael ti Jerusalene

¹ Ximuyubaj no'ox ta xca'i ti xi ta xiyalbeicune: “¡Batic ta xch'ulna ti Diose!”

² Jerusalén, li' xa oyuncutic ta yut ti ti'naetic avu'une.

³ Jerusalén, laj avich' va'anel sventa yo' ta stsob sbaic ti lume.

⁴ Ti jujuvoc' snitilul yu'untac ti Diose, ta xtal stsob sbaic ta slequil-c'optael ti bu taje, jech c'u cha'al albilic ti Israele.

⁵ Ti bu taje, ta xlic chotiicuc ti jchapanvanejetique, ta pasob mantal chotlebaletic yu'un snitilultac ti ajvalil Davide.

⁶ Ta sjunuluc avo'ntonic xachi xavalique: “Lamajuc ti c'op ta atojolale, Jerusalén. Junuc yo'nton cuxiicuc ti buch'utic mu jipbaj ta xa'iique.

⁷ Ts'ijluc sc'oplal yu'unic ti moquetic avu'une; chabibiluc lec ti apasob mantaltaque.”

⁸ Tana une, ta sventa ti jvinquileltaque, xchi'uc ti buch'utic lec xquil jba xchi'uque, xichi ta xcale: “Lamajuc ti c'op ta atojole.

⁹ Ta sventa xch'ulna ti Cajvaltic ti Dios cu'untique, oy ta co'nton ta sc'anel ti alequilale.”