Salmos 120 - Bible in Tzotzil de Chamula

C'opojel ti'inel c'alal oy xi'ele

¹ C'alal yacal ta xquich' ilbajinele, ta jta ta avtael ti Diose, ti stuque ta xistac'bun ti jc'ope.

² Cajval, pojun ti mu albajuc yeic ta jtojol ti jutc'opetique, ti c'usiuc no'ox xloc' ta alel yu'unique.

³ ¿C'usi la ta xata o yu'un, j'ac'vanej ta vocol eil?

⁴ Ja' xa no'ox xna'un ti sjich'ilul sni' syolob ti j'ac'-letoetique. Ja' xa no'ox xna'un ti stilemal yac'alil ti sip te'e.

⁵ Mu xa ono'ox cha'bel un, co'ol j'elan jyanlumun li' nacalun ta Meseque, ti capalun ta naclej xchi'uc ti Cedar jnaclejetique.

⁶ Jal xa ta j'ech'el jmoj nacalun xchi'uc ti buch'utic mu sc'anic lamajem ti c'ope.

⁷ C'alal ta xcal ti lamajuc ti c'ope, ti stuque leto no'ox oy ta ye sti'ic.