Salmos 101 - Bible in Tzotzil de Chamula

Ti ajvalile laj yal sc'op ta stojol ti Diose

¹ Cajval, ta jc'an ta xcalbe sc'oplal ti syail xc'uxul o'ntonale, ti yutsil slequil jol o'ntonale; ta jc'an ta jq'uejintabot q'uejimoletic, Cajval.

² Ta jc'an ti cuxicun ta spasel ti c'usi leque. ¿Bu to ora ta xatal ta jtojol un? Manchuc mi oyun ta yut jna jc'uleb, mu'yucuc ti sbolil co'ntone.

³ Ma'uc ma' ti ja' xbat jsat yu'un ta spasel ti chopole. Ta xi'ilin yu'un ti buch'u yan sjol yo'ntonic ta stojol ti Diose; mu xcac' que jti' ma' ti lec no'ox xca'i yu'unique.

⁴ Xi s'elan ta jten loq'uel ti sbolil jol co'ntone: j'ech'el mu jc'an ta jpas ti c'usi chopole.

⁵ Ta jmacbe ye sti'ic ti buch'utic ta mucul xbet'bun ye ta stojol ti slac'nae; mu sts'ic cu'un sbolil ti buch'u toyobba xa'i sbae.

⁶ Ta jtuc'ulan lec ti buch'u tuc' sjol yo'ntonic yo' mu'yuc sc'oplalic ta jtojole, xu' ta x'ochic ta cajtuneltac ti buch'u mu'yuc soquesoj ti sc'oplale.

⁷ Ma' ti j'ac'vanej ta vocol une, ch'abal sc'oplal ta xtunic ta jna une; mi junuc jutc'op ma' ti lec no'ox ta xca'ie.

⁸ Jujun c'ac'al ts'ij xi sc'oplal cu'un scotol ti buch'u mu'yuc xch'ulel xa'i sbaic li' ta jteclume; ta jtenic loq'uel ta steclumal Dios scotol ti jchopol joletique.