Salmos 100 - Bible in Tzotzil de Chamula

Ti Diose laj yac' jch'uleltic, c'otemotic ta yu'un

¹ Jnaclejetic ti oyoxuc ta sbejel banomile, muyubajanic ta sq'uejintael ti Diose.

² Muyubajanic ta yich'el ta muc' ti Diose; avananic ta muyubajel ti ta xatalic ta stojole.

³ C'otuc ta avo'ntonic, ja' Ajvalil ti Diose. Laj yac' ti jch'ulel canimatic, lijc'ot ta yu'un; lijc'ot ta steclumal ta xchijtac ti xlamet ta yaxaltic yu'une.

⁴ Ochanic talel ta ti'naetic yu'un; laetanic ta lequil q'uejimoletic ta yamaq'uil xch'ulna. Lequil c'optabiluc avu'unic ta yalbel coliyal.

⁵ Yu'un ti Diose oy slequil yutsil yo'nton; sbatel osil oy ti syail xc'uxul yo'ntone, mu'yuc spajeb ti jun yo'nton ta jtojoltique.