Biblia Todo Logo
Bìoball air-loidhne

- Sanasan -

Números 33 - Bible in Tzotzil de Chamula


Ti bu ech'ic ti israeletique

1 Ti li'e, ja' ti bu ech'ic ti israeletic ti c'alal loq'uic talel ta Egiptoe, ti xvoletic talel ti co'ol s'elan jvoc' soldadoetic ti stamoj batel ti sbeique, ti ja' ic'bilic batel yu'un ti Moisese xchi'uc ti Aarone.

2 Ti Moisese ta stsacolanbe batel sbi ta scojol cojol ti butic laj loq'uicuc ech'ele, xchi'uc ti bu ta xjoc'tsajic jujucoj ja' jech c'u cha'al laj yal mantal ti Diose. Ti li'e, ja' ti bu joc'tsajique xchi'uc ti ta xloq'uic batele.

3 Ta yo'lajunebal sc'ac'alil ta sliquebal u yu'un ti jabile, ta yoc'omal yech'el ti q'uin Colele, mu'yuc xi'el ta xa'iic ti israeletic ti loq'uic batel ta Ramsés ta sba ta sat scotolic ti egipcioetique.

4 Ti israeletique loq'uic batel ti c'alal ja' o ch'ayal yo'ntonic ti egipcioetic ta smuquic scotol ti sbanquilal nich'onique, ti c'alal c'ot ta pasel yu'un ti Dios ti milbatique, ti ac'bat yilic ti mu'yuc c'usi xu' yu'un ta xpojvan ti sdiosique.

5 Ti c'alal loq'uic ech'el ta Ramsés ti israeletique, c'ot slaman sbaic ta Sucot.

6 Loq'uic ech'el ta Sucote, c'ot slaman sbaic ta Etam ti nopol xa ech'el ta sbajtical banomile.

7 Loq'uic ech'el ta Etam, ech' sjoyic ta Pi-hahirot ti oy ta sloq'ueb c'ac'ale ti bu oy ta Baal-zefone, c'ot slaman sbaic ta yeloval Migdol.

8 Loq'uic ech'el ta Pi-hahirote, ech' xtuch'ic ti nabe, c'otic ta sbajtical banomil. Xanavic batel oxib c'ac'al ta sbajtical banomil yu'un Etam, c'ot slaman sbaic ta Mara.

9 Loq'uic ech'el ti ta Marae, c'otic ta Elim ti bu oy lajcheb sat vo'e, xchi'uc oy teq'uel lajuneb xchanvinic (70) ta pets xan. Ti bu taje, c'ot slaman sbaic.

10 Loq'uic ech'el ta Elim, c'ot slaman sbaic ta sts'el Tsajal Nab.

11 Loq'uic ech'el ta Tsajal Nab, c'ot slaman sbaic ta sbajtical banomil yu'un Sin.

12 Loq'uic ech'el ta sbajtical banomil yu'un Sin, c'ot slaman sbaic ta Dofcá.

13 Loq'uic ech'el ta Dofcá, c'ot slaman sbaic ta Alús.

14 Loq'uic ech'el ta Alús, c'ot slaman sbaic ta Refidim ti bu ch'abal jutebuc vo' ta xuch'ique.

15 Loq'uic ech'el ta Refidim, c'ot slaman sbaic ta sbajtical banomil yu'un Sinaí.

16 Loq'uic ech'el ta sbajtical banomil yu'un Sinaí, c'ot slaman sbaic ta Kibrot-hataavá.

17 Loq'uic ech'el ta Kibrot-hataavá, c'ot slaman sbaic ta Hazerot.

18 Loq'uic ech'el ta Hazerot, c'ot slaman sbaic ta Ritma.

19 Loq'uic ech'el ta Ritmae, c'ot slaman sbaic ta Rimón-peres.

20 Loq'uic ech'el ta Rimón-peres, c'ot slaman sbaic ta Libna.

21 Loq'uic ech'el ta Libna, c'ot slaman sbaic ta Risá.

22 Loq'uic ech'el ta Risá, c'ot slaman sbaic ta Quehelata.

23 Loq'uic ech'el ta Quehelata, c'ot slaman sbaic ta vits yu'un Séfer.

24 Loq'uic ech'el ta vits Séfer, c'ot slaman sbaic ta Haradá.

25 Loq'uic ech'el ta Haradá, c'ot slaman sbaic ta Maquelot.

26 Loq'uic ech'el ta Maquelot, c'ot slaman sbaic ta Tahat.

27 Loq'uic ech'el ta Tahat, c'ot slaman sbaic ta Tara.

28 Loq'uic ech'el ta Tara, c'ot slaman sbaic ta Mitcá.

29 Loq'uic ech'el ta Mitcá, c'ot slaman sbaic ta Hasmona.

30 Loq'uic ech'el ta Hasmonae. C'ot slaman sbaic ta Moserot.

31 Loq'uic ech'el ta Moserot, c'ot slaman sbaic ta Bené-jaacán.

32 Loq'uic ech'el ta Bené-jaacán, c'ot slaman sbaic ta Hor yu'un Gidgad.

33 Loq'uic ech'el ta Hor yu'un Gidgad, c'ot slaman sbaic ta Jotbata.

34 Loq'uic ech'el ta Jotbata, c'ot slaman sbaic ta Abroná.

35 Loq'uic ech'el ta Abroná, c'ot slaman sbaic ta Ezión-geber.

36 Loq'uic ech'el ta Ezión-geber, c'ot slaman sbaic ta sbajtical banomil yu'un Zin, ti lec xcaltique, ja' Cades.

37 Loq'uic ech'el ta Cadese, c'ot slaman sbaic ta vits yu'un Hor, ti sts'aquinoj sbaic xchi'uc ti Edome.

38 Ta sventa smantal ti Diose, muy batel ta jol vits Hor ti pale Aarón ti tey c'ot ta chamel ti bu taje, ti ja' xa xtoc sba c'ac'al yu'un ti yo'obal (5) ue, ti ja' xa c'ot xcha'vinic (40) sjabilal sloq'uelic talel ta Egipto ti israeletique.

39 C'alal cham ta jol vits yu'un Hor ti Aarone, yich'oj xa oxib yucvinic (123) jabil.

40 Ti cananeo ajvalil yu'un ti Arad ti nacal ta Néguev ti oy ta Canaane, laj ya'i ti c'otic ti israeletique.

41 Loq'uic ech'el ta vits yu'un Hor, c'ot slaman sbaic ta Zalmona.

42 Loq'uic ech'el ta Zalmona, c'ot slaman sbaic ta Punón.

43 Loq'uic ech'el ta Punón, c'ot slaman sbaic ta Obot.

44 Loq'uic ech'el ta Obot, c'ot slaman sbaic ta Ije-abarim, ti sts'aquinoj sbaic xchi'uc ti Moabe.

45 Loq'uic ech'el ta Ije-abarim, c'ot slaman sbaic ta Dibón-gad.

46 Loq'uic ech'el ta Dibón-gad, c'ot slaman sbaic ta Almón-diblataim.

47 Loq'uic ech'el ta Almón-diblataim, c'ot slaman sbaic ta vitstic yu'un Abarim, ti oy ta sloq'ueb c'ac'al yu'un ti Neboe.

48 Loq'uic ech'el ta vitstic yu'un Abarim, c'ot slaman sbaic ta stenlejal yu'un Moab, ta sts'el uc'um yu'un Jordán, ta yeloval Jerico.

49 Ti jech lamalic ta sts'el uc'um yu'un Jordane, laj snojesic ech'el ta lamlej ti lic batel yu'unic ta Bet-jesimote, ti c'ot c'alal to Abel-sitim ti oy ta stenlejaltic yu'un ti Moabe.


Smantaliltac ta yu'ninel ti banomile xchi'uc ti ta xch'acbe sbaic ti Canaane

50 Ti ta stenlejal yu'un Moab ta sts'el uc'um yu'un Jordán ti oy ta yeloval Jericoe, ti Diose xi laj yalbe ti Moisés ti c'alal laj sc'opon talele:

51 “Xi xcholet xavalbe ti israeletic jech c'u cha'al li'e: C'alal ta xatuch'ic jelavel ti uc'um Jordane, ti c'alal ta xa'ochic ech'el ta lum Canaane,

52 xujic loq'uel scotol ti jnaclejetic ta jteclume. Lilinbeic scotol ti sloc'obbail ti sdiosic ti meltsanbil ta tone, ti unijesbil ta taq'uine. Lilinbeic scotol ti c'usi liquem yu'unic ta yich'el ta muc' ta jujun stseleje.

53 Pojic ta yu'ninel ti jteclume, naclanic, yu'un ta xacac'boxuc ta avoc ta ac'obic yo' jech ta xabanomilinic.

54 Tsots sc'oplal, ta yorail ta xaq'uelic ti c'alal ta xach'aquic ta stojol ti jujuchop yu'un ti nitiluletique. Yu'un ti buch'utic toj epic ta j'ech'ele, ja' jamal ta xich' ac'bel ti sbanomilique. Ja'uc ti buch'u jutebic no'oxe, lec no'ox sba ta xich' ti sbanomilique. Yu'un ti jujuvoc' yu'un ti jujuchope, ja' ta xich'ic ti c'u s'elan c'ot ti yorail yu'unique.

55 Yu'un mi mu xaxujic loq'uel ti jnaclejetic ta jteclume, mi ta xchi'inoxuc ta nacleje, co'ol s'elan junuc c'a'ep ta x'och ta satic ti ta xac'boxuc ep avocolique. Mi mo'oje, ti c'alal nacaloxuc xa ta jteclume, co'ol s'elan junuc ch'ix ta xti'van ta abec'talic.

56 Va'i unbi, jech me ta jpas ta atojolic jech c'u cha'al jnopoj xa ox ta jpas ta stojolique.”

Biblia en Tzotzil de Chamula, Chiapas, México © Sociedad Bíblica de México, A.C. 2000

Bible Society of Mexico
Lean sinn:



Sanasan