Nehemías 7 - Bible in Tzotzil de Chamula

Ti Nehemiase ta sva'anan banquilal jtuneletic

¹ C'alal tsuts xcha'meltsanel ti moque, xchi'uc laj yich' chotanbel ti sti'taque. laj yich' va'anel jchabiej ti'naetic, jq'uejimoletic, xchi'uc ti jtunel levitaetique.

² Lic sbain ta sventainel Jerusalén ti jchi'il ta voq'uel ti Hananie, ti c'ot ta banquilal soldado yu'un jteclum ti Hananiase, jun vinic ti mu'yuc c'usi xal o'ntonal yu'une, ti c'ajomal no'ox stuc sna' xi'ta ti Diose, ja' mu sta ti yane.

³ Laj calbe ya'iic ti toyoluc xa talel c'ac'al sjamicuc sti'tac ti jteclume, ti oyicuc xa ta yavilic ti jchabivanejetic ta smaquique. Ti jnaclejetic ta Jerusalene, laj jva'anan ta sq'uelel osil ti bu va'anbilique, ti sq'uelicuc talel osil ta snaique.

⁴ Muc', jamal ta j'ech'el ti jteclume, jutuc ti jnaclejetic une, mu'yuc to cha'meltsanbil ti naetique.

Ti buch'utic sutic talel ti bec'bilic to ox loq'uele

⁵ Va'i un, Dios laj yac'bun jna' ti jtsobicuc ti buch'utic ich'bil ye sti'ique, ti j'opisialetique, xchi'uc ti jteclume, yo' jech ta xich' q'uelel ti xi s'elan ti ts'ibabil ta vun ti sbiic laj jta ti jujuchop ti buch'utic ba'yel sutic talele:

⁶ “Ti bejel ta vune, ja'ic israeletic ti voq'uemic ta Judá ti bec'bil batic ta Babilonia yu'un ti ajvalil Nabucodonosore, ti sutic xa talel ta Jerusalén xchi'uc ti ta Judae, ti jujuchop bat ta slumalique,

⁷ ti xi s'elan c'otem ta banquilal jvolvanej yu'unique: ti Zorobabele, ti Josuee, ti Nehemiase, ti Azariase, ti Raamiase, ti Nahamanie, ti Mardoqueoe, ti Bilsane, ti Mispérete, ti Bigvaie, ti Nehume, xchi'uc ti Baanae.

⁸ Ta sventa snitilultac ti Parose, oy cha'mil xchi'uc lajcheb sbalunvinic (2,172) ta vo'.

⁹ Ta sventa snitilultac ti Sefatiase, oy vo'lajunvinic xchi'uc lajcheb sbalunvinic (372) ta vo'.

¹⁰ Ta sventa snitilultac ti Arae, oy vaquib ciento xchi'uc lajcheb yoxvinic (652) ta vo'.

¹¹ Ta sventa snitilultac ti Pahat-moab ti lic talel sts'unubalic ta sventa snitilultac ti Josuee, xchi'uc ti Joabe, oy cha'mil xchi'uc vaxaclajuneb ta sbalunebal ciento (2,818) ta vo'.

¹² Ta sventa snitilultac ti Elame, oy jmil xchi'uc chanlajuneb yoxlajunvinic (1,254) ta vo'.

¹³ Ta sventa snitilultac ti Zatue, oy vaxaquib ciento xchi'uc vo'ob yoxvinic (845) ta vo'.

¹⁴ Ta sventa snitilultac ti Zacaie, oy vucub ciento xchi'uc oxvinic (760) ta vo'.

¹⁵ Ta sventa snitilultac ti Binuye, oy vaquib ciento xchi'uc vaxaquib yoxvinic (648) ta vo'.

¹⁶ Ta sventa snitilultac ti Bebaie, oy vaquib ciento xchi'uc vaxaquib xcha'vinic (628) ta vo'.

¹⁷ Ta sventa snitilultac ti Azgade, oy cha'mil xchi'uc chib yuclajunvinic (2,322) ta vo'.

¹⁸ Ta sventa snitilultac ti Adonicame, oy vaquib ciento xchi'uc vucub xchanvinic (667) ta vo'.

¹⁹ Ta sventa snitilultac ti Bigvaie, oy cha'mil xchi'uc vucub xchanvinic (2,067) ta vo'.

²⁰ Ta sventa snitilultac ti Adine, oy vaquib ciento xchi'uc vo'lajuneb yoxvinic (655) ta vo'.

²¹ Ta sventa snitilultac ti Ater ti lic talel sts'unubal ta stojol ti Ezequiase, oy vaxaclajuneb yo'vinic (98) ta vo'.

²² Ta sventa snitilultac ti Hasume, oy vaxaquib yuclajunvinic (328) ta vo'.

²³ Ta sventa snitilultac ti Bezaie, oy chanib yuclajunvinic (324) ta vo'.

²⁴ Ta sventa snitilultac ti Harife, oy lajcheb svacvinic (112) ta vo'.

²⁵ Ta sventa snitilultac ti Gabaone, oy vo'lajuneb yo'vinic (95) ta vo'.

²⁶ Ti viniquetic liquemic talel ta Belene, xchi'uc ta Netofae, oy vaxaquib slajunvinic (188) ta vo'.

²⁷ Ti viniquetic liquemic talel ta Anatote, oy vaxaquib yucvinic (128) ta vo'.

²⁸ Ti viniquetic liquemic talel ta Bet-azmavete, oy chib yoxvinic (42) ta vo'.

²⁹ Ti viniquetic ti liquemic talel ta Quiriat-jearime, ti ta Cafirae, xchi'uc ti ta Beerote, ja' oy vucub ciento xchi'uc oxib yoxvinic (743) ta vo'.

³⁰ Ti viniquetic ti liquemic talel ta Ramae, xchi'uc ti ta Guebae, ja' oy vaquib ciento xchi'uc jun xcha'vinic (621) ta vo'.

³¹ Ti viniquetic ti liquemic talel ta Micmase, ja' oy chib yucvinic (122) ta vo'.

³² Ti viniquetic liquemic talel ta Betele, xchi'uc ti ta Haie, oy oxib yucvinic (123) ta vo'.

³³ Ti viniquetic liquemic talel ta Neboe, oy lajcheb yoxvinic (52) ta vo'.

³⁴ Snitilultac ti yan Elame, oy jmil xchi'uc chanlajuneb yoxlajunvinic (1,254) ta vo'.

³⁵ Ti viniquetic liquemic talel ta Harime, oy vaclajunvinic (320) ta vo'.

³⁶ Ti viniquetic liquemic talel ta Jericoe, oy vo'ob svaclajunvinic (345) ta vo'.

³⁷ Ti viniquetic liquemic talel ta Lode, ta Hadide, xchi'uc ta Onoe, oy vaquib ciento xchi'uc jun xcha'vinic (621) ta vo'.

³⁸ Ti viniquetic liquemic talel ta Senaae, oy lajuneb xa no'ox xchanvinic sc'an xc'ot ta chanmil (3,930) ta vo'.

³⁹ Ti paleetic snitilultac ti Jedaiase, ti lic talel sts'unubalic ta stojol ti Josuee, oy baluneb ciento xchi'uc oxlajuneb sbalunvinic (973) ta vo'.

⁴⁰ Ta sventa snitilultac ti Imere, oy jmil xchi'uc lajcheb yoxvinic (1,052) ta vo'.

⁴¹ Ta sventa snitilultac ti Pasure, oy jmil xchi'uc vucub yoxlajunvinc (1,247) ta vo'.

⁴² Ta sventa snitilultac ti Harime, oy jmil xchi'uc vuclajuneb (1,017) ta vo'.

⁴³ Ti levitaetic snitilultac ti Josuee, xchi'uc ti Cadmiele, xcaltique snitilultac ti Hodaviase, oy chanlajuneb xchanvinic (74) ta vo'.

⁴⁴ Ti jq'uejimoletic snitilultac ti Asafe, oy vaxaquib yoxlajunvinic (148) ta vo'.

⁴⁵ Ti jchabiej ti'naetique, snitilulic ti Salume, ti Atere, ti Talmone, ti Acube, ti Hatitae, xchi'uc ti Sobaie. Ta scotole, oy vaxaclajuneb yucvinic (138) ta vo'.

^46-56 Ti jtuneletic yu'un ti ch'ulnae, snitilulic ti Zihae, ti Hasufae, ti Tabaote, ti Querose, ti Siahae, ti Padone, ti Lebanae, ti Hagabae, ti Salmaie, ti Hanane, ti Guidele, ti Gahare, ti Reaíae, ti Rezine, ti Necodae, ti Gazame, ti Uzae, ti Paseahe, ti Besaie, ti Meunime, ti Nefusime, ti Bacbuque, ti Hacufae, ti Harhure, ti Baslute, ti Mehidae, ti Harsae, ti Barcose, ti Sisarae, ti Temae, ti Nesíahe, xchi'uc ti Hatifae.

^57-59 Ti nitiluletic yajtuneltac ti Salomone, snitilulic ti Sotaie, ti Soférete, ti Perudae, ti Jaalae, ti Darcone, ti Guidele, ti Sefatiase, ti Hatile, ti Poquéret-hasebaime, xchi'uc ti Amone.

⁶⁰ Ta scotol ti jtuneletic yu'un ti ch'ulnae, xchi'uc ti nitiluletic ti yajtuneltac ti Salomone, vaxaquib xa no'ox sc'an (392) xc'ot ta chanib ciento ta vo'.

⁶¹ “Ti buch'utic vulic ti lic talel ta Tel-melae, ta Tel-harsae, ta Querube, ta Adone, xchi'uc ta Imere, mu na'baj mi liquem talel sts'unubalic ta israele, mi snamtal yuts' alal sbaic no'oxe, xi s'elan xcholete:

⁶² Snitilulic ti Delaiase, ti Tobiase, xchi'uc ti Necodae, oy vaquib ciento xchi'uc chib yoxvinic (642) ta vo'.

⁶³ Xchapalulic ti paleetique, snitilulic ti Hobaiase, ti Cose, xchi'uc ti Barzilaie, ti buch'u laj yic'be yantsil nich'on Barzilai ti liquem talel ta Galaade, ti sbi xa no'ox laj sbiinbe.

⁶⁴ Ti va'i yepalique, laj yich' chajel ta sa'el ti sbiic ti bu ochem ta vun ti jujuvoq'ue, mi junuc capal laj yich' taele, mu'yuc sc'oplal ta x'ochic ta pale.

⁶⁵ Ma'uc no'ox taje, laj yal mantal ti ajvalile mu xu' ta slajesic ti ve'liletic ti c'otem ta ventainele, ja' to ti mi c'ot ta nopel yu'un junuc pale ta xq'uelbat yorail ta sventa ti Urime xchi'uc ti Tumime.

⁶⁶ “Ta yepal scotol ti jteclume, c'ot ta chib xcha'vinic ta mil xchi'uc xcha'vinic xa sc'an ta chanib ciento (42,360) ta vo',

⁶⁷ ti mu'yuc tsacbil ta chapal ti mosovil ants viniquetique, ti oy vucmil xchi'uc vuclajuneb yuclajunvinic (7,337) ta vo'e.

⁶⁸ Oy yu'unic vucub ciento xchi'uc vaclajuneb xcha'vinic (736) ta cot ca'etic, xchi'uc chib ciento xchi'uc vo'lajuneb yoxvinic (255) ta cot ti mulaetique.

⁶⁹ Oy yu'unic chanib ciento xchi'uc vo'lajuneb xcha'vinic (435) ta cot ti camelloetique, xchi'uc vacmil xchi'uc chanvinic xa no'ox sc'an xc'ot ta vaxaquib ciento (6,720) ta cot ti burroetique.

⁷⁰ “Jlom ti banquilaletic yu'un ta jujuvoq'ue, laj yaq'uic sna'obilic ta sventa ti abtele, ta sventa jchabiej taq'uin yu'un ti ajvalile laj yac' vaxaquib kilo (8) oro, lajuneb yoxvinic (50) muc'tic lechajtic taq'uin, vo'ob ciento xchi'uc lajuneb xcha'vinic (530) ta lic loin c'u'il sventa ti paleal.

⁷¹ Ti banquilaletic yu'un ti jujuvoq'ue, laj yaq'uic ta stojol ti jchabiej taq'uin yu'un ti abtele, vaxacvinic (160) ta kilo oro, jmil xchi'uc lajuneb sbuluchvinic (1,210) ta kilo ti platae.

⁷² Ti jlom jteclume, laj yaq'uic vaxacvinic (160) ta kilo oro, mil xchi'uc vo'vinic (1,100) ta kilo plata, vucub xchanvinic (67) ta lic loin c'u'il sventa ti paleale.

⁷³ “Ti paleetic une, ti levitaetique, ti jchabiej ti'naetique, ti jq'uejimoletique, ti jnaclejetic yu'un ti jteclume, ti jtuneletic yu'un ti ch'ulnae, xchi'uc scotol ti Israele, lic naquiicuc bu ti slumal stuquique. C'alal c'ot ti yucubal ue, nacalic xa ta steclumal stuquic ti israeletique.