Nehemías 10 - Bible in Tzotzil de Chamula

¹ Xi s'elan ma' ti c'u quepalcutic xcholet laj cac' ti jpirmacutic ta ts'ibabil vune: ti vu'un ajvalilun Nehemías xnich'onun ti Hacaliase, xchi'uc ti Sedequiase.

^2-8 Ti pale Seraiase, ti Azariase, ti Jeremiase, ti Pasure, ti Amariase, ti Malquiase, ti Hatuse, ti Sebaniase, ti Maluque, ti Harime, ti Meremote, ti Obadiase, ti Daniele, ti Ginetone, ti Baruque, ti Mesulame, ti Abiase, ti Mijamine, ti Maaziase, ti Bilgaie, ti Semaiase.

^9-13 Xi s'elan yac' spirma ti levitaetique: ti Josuee, xnich'on ti Azaniase, ti Binuye, snitilultac ti Henadade, ti Cadmiele, xchi'uc ti xchi'iltac ta voq'uele, ti Sebaniase, ti Hodiase, ti Kelitae, ti Pelaiase, ti Hanane, ti Micaíae, ti Rehobe, ti Hasabiase, ti Zacure, ti Serebiase, ti Sebaniase, ti Hodiase, ti Banie, ti Beninue.

^14-27 Xi s'elan laj yac' spirma ti banquilaletique: ti Parose, ti Pahat-moabe, ti Elame, ti Zatue, ti Banie, ti Binuye, ti Azgade, ti Bebaie, ti Adoniase, ti Bigvaie, ti Adine, ti Atere, ti Ezequiase, ti Azure, ti Hodiase, ti Hasume, ti Bezaie, ti Harife, ti Anatote, ti Nebaie, ti Magpiase, ti Mesulame, ti Hezire, ti Mesezabele, ti Sadoque, ti Jadúae, ti Pelatiase, ti Hanane, ti Ananiase, ti Osease, ti Hananiase, ti Hasube, ti Halohese, ti Pilhae, ti Sobeque, ti Rehume, ti Hasabnae, ti Maaseiase, ti Ahiase, ti Hanane, ti Anane, ti Maluque, ti Harime, ti Baanae.

Ti yan trateetic laj spasic ta stojol Dios ti jteclume

²⁸ Ti c'u to yepal ti jnaclejetique, ti xcaltique, ti paleetique, ti levitaetique, ti jchabiej ti'naetique, ti jq'uejimoletique, ti jtuneletic yu'un ti ch'ulnae, xchi'uc scotol ti buch'utic laj xa xch'ac sbaic xchi'uc ti jnaclejetic ta banomil taje yo' ta xc'ot ta pasel yu'unic ti oy c'usi jbel tsots albil yu'un ti Diose, jmoj xchi'uc ti yajnilique, ti squerem stsebic ti xtojobic xa ta snopele,

²⁹ lic svol sbaic xchi'uc ti yuts' yalalique. Ti banquilaletic yu'unique lic yac' yeic ti ta stamic batel ta xch'unel ti oy c'usi jbel tsots albil yu'un ti Dios ti laj yac'be comel ti Moisese, ti ta sjunul yo'ntonic ta xc'ot ta pasel yu'unic scotol ti smantaltaque, ti c'usitic nopbil yu'une, xchi'uc ti oy c'usi jbel tsots albil yu'un ti Dios cu'uncutique.

³⁰ Le' une, j'ech'el mu xcac'becutic jtsebcutic squeremic ti jnaclejetic ta muc' ta lum taje, ti j'ech'el mu xic' jqueremcutic ti stsebic eque.

³¹ C'alal ta xtal xchon sbolomalic ti jnaclejetic ta muc' ta lum taj ta sc'ac'alil cuxob o'ntonale, ti c'usiuc no'ox sat ts'unubale, mi ja'uc ta jmanbecutic jset'uc, mi ja'uc ti yorail yan q'uinetic ta x'ech'e. C'alal ta sta yorail ti jujun vucub jabil xtoque, mu xquich'becutic ti c'usitic ta xloc' x'ayan yu'unique, jch'ay xi ta o'ntonal ti yilique.

³² Laj jsuj jba jtuccutic yaq'uel quecutic ta stojol ti patan ti xcac'cutic chanib grano ti platae, ta stojel ti xi s'elan ti c'usitic ta xtun ta xch'ulna ti Dios cu'uncutique:

³³ ti pan ta xich' aq'uel ta tojolile, ti matanal sat ts'unubil ta xich' aq'uel jujun c'ac'ale, ti chic'bil matanal ta xich' aq'uel jujun c'ac'ale, ti c'usitic ta xich' svocol ta matanal ta xich' aq'uel ta jujun cuxob o'ntonale, ti ta xich' aq'uel jujun ach' ue, ti ta xich' aq'uel ti ta xtun ta jujun q'uinetic chlaj ech'uc ta sventa ti oy c'usi na'bile, ti matanaletic ta xich' aq'uel ta sventa scotole, ti matanal ta xich' aq'uel ta sventa smul ti Israele, xchi'uc ti c'usitic ta xtun ta sventa stoyel xi'el ti Dios cu'uncutic ta ch'ulnae.

³⁴ Jech ec ti paleetique, ti levitaetique, xchi'uc scotol ti jteclume, ti c'u quepal oyuncutic ta jujuvoq'ue, laj jq'uelcutic ta yorail buch'u ta xc'ot ta stojol ta yich'el batel ti si' jujun jabil ta xch'ulna Dios, ti ta xich' chiq'uel ta yaltar ti Ajvalil Dios cu'uncutic jech c'u cha'al ta xal ti ts'ibabil ta jbel tsots albile.

³⁵ Jech xtoc laj jvules ta jolcutic ti ta xquich'cuticuc batel jujun jabil ta xch'ulna Dios ti sba sat c'usitic ta xloc' ta cosilcutique, xchi'uc scotol sba sat ti lo'bolal te'etique.

³⁶ Laj jvules ta jolcutic xtoc ti quic'cutic ech'el ta xch'ulna Dios cu'uncutic ti sba jnich'oncutique, ti sba yol ti jvacaxcutique, ti sba yol ti jchijcutique, jech c'u cha'al ta xal ti ts'ibabil ta jbel ti tsots albile, ta stojol ti paleetic ta xtunic ta ch'ulnae.

³⁷ Laj jvules ta jolcutic xtoc ta xba cac'cutic ta sq'uejlebtac ti oy ta xch'ulna ti Dios cu'uncutique, ti oy sc'oplal ta xich' ti paleetique, sba sninal ti harinae, sba sat scotol ti lo'bolal te'etique, ti sba pits'elal ya'lel uvae, ti sba smeltsanel aceitee, ta yich'el batel ta stojol levitaetic ti jch'ac ta jujun lajlajuneb ti c'usitic xloc' x'ayan cu'uncutique, ti c'otem ta sbaic ta stsobel jch'ac ta jujun lajlajuneb ti c'usitic ta xloc' ta scotol ti jujusep cosilcutique.

³⁸ C'alal ta xbat ti levitaetic ta stsobel talel ti jch'ac ta jujun lajlajunebe, chi'inbil ta xbatic yu'un jun pale snitilul ti Aarone. Ta jech yepal un, ti levitaetique xba yaq'uic ta sq'uejlebtac ti oy ta xch'ulna ti Dios cu'uncutique, ti jujuch'ac ta jujun lajlajuneb ti c'u yepal laj stsobique.

³⁹ Ti israeletic une, xchi'uc ti levitaetique, ta xich'ic batel ta sq'uejlebtac ti trigo ti oy sc'oplal ta xich' aq'uele, ti vinoe, xchi'uc ti aceiteti bu oy q'uejajtic ti c'usitic jtunel meltsanbile, ta stojol ti bu oy ti paleetic ti oyic ta yabtelique, ti jchabiej ti'naetique, xchi'uc ti jq'uejimoletique. Laj cac' quecutic ta yalel ti mu xquictacutic comel xch'ulna ti Dios cu'uncutique.