Génesis 2 - Bible in Tzotzil de Chamula

¹ C'ot ta tsutsel ti vinajele, ti banomile, xchi'uc scotol ti c'usitic oye.

² Ti ta yucubal c'ac'ale, laj xcux yo'nton ti Diose, yu'un tsutsem xa ox yu'un ti c'usitic laj smeltsane.

³ Va'i un, laj sts'uiltas ti yucubal c'ac'ale, yu'un laj yal ta jamal ti ja' jun ch'ul c'ac'ale. Yu'un ti jech c'ac'al taje, ja' o laj xcux ta sventa scotol ti yabtel laj smeltsane.

⁴ Taje, ja' jech s'elan sc'oplal meltsaj ti vinajele xchi'uc ti banomile. C'alal meltsaj yu'un vinajel xchi'uc banomil ti Dios ti ja' Ajvalile,

Ti vinique oy ta jun lequil ts'unubaltic ti Eden sbie

⁵ mu'yuc to ox bu voq'uem ti te'etique, ti momoletique, yu'un ti Dios ti ja' Ajvalile, mu'yuc to laj yac' taluc vo' ta banomile, mi ja'uc oy buch'u ta xabtelan.

⁶ Manchuc mi ja' jech taje, yu'un ta no'ox xloc' ti vo' ta banomil yo' ta smalta scotol ti osile.

⁷ Va'i un, ti Dios ti ja' Ajvalile, ta lum lic smeltsan ti vinique. Lic xvuch'tabe sni'. Lic ochuc xch'ulel yu'un. Ja' jech s'elan lic cuxiuc ti vinique.

⁸ Ts'acal to un, ti Dios ti ja' Ajvalile, laj xchapan jun yav ts'unubal tey ta yosilal ti Eden sbie, ti oy ta yelov ti sloq'ueb c'ac'ale. Ti bu taje, laj yac' ti vinic ti laj smeltsane.

⁹ Ja' jech xtoc laj yac' ch'iuc ep ta tos lequil te'etic ti lec ta lo'bel ti sate. Ti ta o'lol ts'unubale, laj yac' ch'iuc ti j'ac'-cuxlejal te'e, xchi'uc ti te' ta xac' ta na'el ti leque xchi'uc ti chopole.

¹⁰ Ti ta banomil ti Eden sbie, ta xloc' talel jun uc'um ti ta smalta ti ts'unubale, ta spas ta chanch'ac ti yoque.

¹¹ Ti jch'ac yoc ta sliquebe, ja' sbiinoj Pisón, ti sjoyobtaoj ti yosilal Havila ti bu oy oroe.

¹² Ti bu taje, toj lec ti oroe. Ja' jech xtoc oy x'ayan lequil xuch'al muil te' xchi'uc baxton.

¹³ Ti xchibal yacan uc'ume, ja' sbiinoj Gihón, ti ja' sjoyobtaoj ti yosilal Cuse.

¹⁴ Ti yoxibal yacan uc'ume, ja' sbiinoj Tigris ti ta x'ech' ta yelov sloq'ueb c'ac'al yu'un ti Asiriae. Ti xchanibal yacan uc'ume, ja' sbiinoj Eufrates.

¹⁵ Ti Dios ti ja' Ajvalile laj yac' batel ti vinic ta yav ts'unubal ti Eden sbie yo' jech ta xabtelan, xchi'uc ta sbain ta stuc'ulanel.

¹⁶ Xi s'elan laj yalbe ti mantale: “Xu' xalo'be sat scotol ti te'etic ti oy ta ts'unubale.

¹⁷ Yan ti te' ta xac' ta na'el ti leque xchi'uc ti chopole, mu xalo'be ti sate. Yu'un mi laj alo'e, jbel sc'oplal ta xacham.”

¹⁸ Laj taj une, xi laj yal ti Dios ti ja' Ajvalile: “Mu lecuc ti yuni tuc ti vinique. Ja' lec ta jmeltsanbe junuc yuni chi'il yo' jech oy buch'u ta xcoltaun.”

¹⁹ Jech ti Dios ti ja' Ajvalile, ti ta banomile, laj smeltsan scotol ti chon bolometique, scotol ti mutetique. Laj yic' batel xtoc ta stojol ti vinique yo' jech ta xac'anbe sbi. Jech ti vinique laj yac'anbe sbi scotol ti ts'unbolal chon bolometique, scotol ti ts'unbolal mutetique, xchi'uc scotol ti colemal te'tical chon bolometique. Ti sbiique ja' jech com o ti c'u s'elan ac'batique.

²⁰ Ja' no'ox un, mu junuc loc' ti c'ot ta yajcoltaobbae.

²¹ Ti Dios ti ja' Ajvalile, bat xch'ulel ta vayel yu'un ti vinique. Ti c'alal vayem ta j'ech'ele, laj sloq'uesbe jun xch'ilte'. Laj spac'be lec comel ti bu loq'ue.

²² Yu'un ti Dios ti ja' Ajvalile laj sjoybin ta jun ants ti ch'ilte'il taje. Bat sva'an ta stojol ti vinique.

²³ Va'i un, ti c'alal laj yile, xi laj yale: “Le'e, ja' jbec'tal, jtacobal, jbaquil. ‘Ants’ ta x'albat sc'oplal, yu'un ti Diose laj sloq'ues talel ta stojol jun vinic.”

²⁴ Jech o xal ti vinique ta xicta comel stot sme' yo' ta xnabi ta ants. Ta spasic ta jun ti xchibalique.

²⁵ Ti vinique co'ol t'analic xchi'uc ti yajnile, mu'yuc q'uexlal yu'unic ti jech oyique.