Ester 10 - Bible in Tzotzil de Chamula

Slequil c'optael ti Mardoqueoe, xchi'uc stsutseb sc'oplal ti lo'il a'yeje

¹ Ti ajvalil Asueroe lic suj ta stojel patan ti jujun jteclumetique, xchi'uc ti joyobtabil ta nab ti bu oyique.

² Scotol ti yip yabtel laj spas ti ajvalile, jech c'u cha'al sc'oplal ti laj yac'be yich' tsots yabtel ti Mardoqueoe, ts'ibabil com ta jpoc vun ti bu ta xich' ts'ibael ti c'usitic ta xc'ot ta pasel yu'un ti ajvaliletic yu'un ti Media xchi'uc ti Persiae.

³ Yu'un ti Mardoqueo ti jun judio vinique, ac'bil yabtel ti c'otem ta its'inal yu'un ti ajvalile. Cajal c'otem ta stojol scotol ti judioetique. Lec x'ile yu'un scotol ti svinquileltaque. Laj sva'an sba ta sa'bel slequilal ti steclumale. Laj spas tsatsal ta sa'bel yutsil slequilal ti svinquileltaque.